29 марта 2023 г.

“Biz yangi Konstitutsiyadan nimalar kutyapmiz?”

✨🇸🇱 Konstitutsiyaviy islohotlarga bag'ishlandi
✅ Inson, xalq, millat, jamiyat va davlat tushunchalari o‘zaro bog‘liq bo‘lib muayyan tizim va tuzum bilan qonuniy, huquqiy asosga egadir.  Ushbu huquqiy hujjat asosiy qonunimiz Konstitutsiyadir. Konstitutsiyaga nisbatan Bosh qomusimiz - or nomusimiz ramzi deyilishi ham bejiz emas. Demak, unga e’tibor, munosabat masalasi o‘zligimizga e’tibor va munosabat demakdir. Ilm olish, mehnat qilish, dam olish va hokazolar bilan bog‘liq huquqiy jihatlarni bilish va unga amal qilish har bir fuqaroning burchdorlik tuyg‘usini his etishidir. Yangicha qarash, yangicha hayot tarzi Konstitutsiyaning ayrim moddalariga tuzatish va o‘zgartirishlar kiritish zarurligini taqozo qilgani rost.  Shuning uchun ham yangi konstitutsiya xalq hukmiga havola qilindi, ularning takliflari e’tiborga olinib konstitutsiyaga o‘zgartirishlar kiritilayotgani, ochiqlik, oshkoralik, demokratik tamoyillarga to‘la amal qilinayotgani ayni haqiqatdir. Joriy yilning 29 mart kuni Zangiota tumani axborot-kutubxona markazida “Biz yangi Konstitutsiyadan nimalar kutyapmiz?” mavzusida ma`naviy-ma`rifiy tadbir bo`lib o`tdi. Tadbirda O`zbekiston Republikasi Fanlar Akademiyasi Davlat va huquq instituti umumiy masalalari bo`yicha direktor o`rinbosari, yuridik fanlari doktori, professor Tulyaganov Abdumannop Abdujabborovich ishtirok etib, yig`ilganlarga yangi Konstitutsiyaga kiritilayotgan o`zgartirishlar va yangi moddalarning mamun-mohiyatini tushuntirib berdi. Shuningdek, Inson huquqlari bo`yicha O`zbekiston Respublikasi Milliy markazi tomonidan axborot-kutubxona markaziga inson huquqlariga oid 300 dona adabiyotlar sovg`a qilindi.