Fuqarolarning murojatlarini ko‘rib chiqish tartiblari:

Zangiota axborot kutubxona markaziga kelib tushgan barcha murojaatlar O‘zbekiston Respublikasining “Jismoniy va yuridik shaxslarning murojaatlari bilan ishlash tartibi to‘g‘risida”gi Qonun talablari asosida ko‘rib chiqiladi. Zangiota axborot kutubxona markazida fuqarolarning murojaatlarini qabul qilish, ro‘yxatga olish va ko‘rib chiqish uchun yuborish, shuningdek, uning ko‘rib chiqilishini nazorat qilish Milliy kutubxona Devonxonasining mas’ul xodimi tomonidan amalga oshiriladi.

Zangiota axborot kutubxona markazining 2015 yil 8 maydagi 53-son buyrug‘i asosida Zangiota axborot kutubxona markazida jismoniy va yuridik shaxslarning murojaatlari bilan ishlash tartibi to‘g‘risidagi Nizomi tasdiqlandi. Kutubxonaga kelib tushgan murojaatlar ushbu Nizomda belgilangan bandlar tartibida ko‘rib chiqiladi va bajariladi.

Fuqarolarning Yagona interaktiv davlat xizmatlari portali (Hukumat portali) orqali kelib tushgan murojaatlari:

O‘zbekiston Respublikasi Yagona interaktiv davlat xizmatlari portali (Hukumat portali) orqali kelib tushgan murojaatlar elektron murojaatlar tarzida qayd etiladi va Vazirlar Mahkamasining 2012 yil 30 dekabrdagi 378-son qarori bilan tasdiqlangan O‘zbekiston Respublikasi Yagona interaktiv davlat xizmatlari portali to‘g‘risidagi Nizom talablari hisobga olingan holda ushbu Nizomda belgilangan tartibda ko‘rib chiqiladi:

• qog‘ozga bosib chiqariladi
• ro‘yxatga olinadi
• elektron nusxa olinadi
• murojaat “Ijro.uz” dasturi orqali Milliy kutubxona rahbariga yuboriladi
• rahbar topshirig‘i bilan tegishliligi bo‘yicha xizmat rahbariga yuboriladi
• shakl bo‘yicha xisobga olish kartochkasi to‘ldiriladi
• murojaat qiluvchiga javob yuborilgandan so‘ng, hisobga olish kartochkasiga belgi qo‘yiladi.

Murojaat etuvchilarga qo‘yiladigan talablar:

• jismoniy shaxsning familiyasi (ismi, otasining ismi);
• uning yashash joyi to‘g‘risidagi ma’lumotlar yoki yuridik shaxsning to‘liq nomi;
• uning joylashgan joyi (pochta manzili) to‘g‘risidagi ma’lumotlar;
• imzo (elektron raqamli imzo) bilan tasdiqlangan murojaat;
• murojaatning mohiyati to‘liq bayon etilgan bo‘lishi kerak.

Murojaatlarni ko‘rmay qoldirish

Quyidagi murojaatlar ko‘rib chiqilmaydi:

- anonim murojaatlar;

- jismoniy va yuridik shaxslarning vakillari orqali berilgan murojaatlar, ularning vakolatini tasdiqlovchi hujjatlar mavjud bo‘lmagan taqdirda;

- qonunda belgilangan boshqa talablarga muvofiq bo‘lmagan murojaatlar.

Anonim deb e’tirof etilgan murojaatlar xulosa tasdiqlangan paytdan boshlab nazoratdan yoki ijrodan olinadi.

Zangiota axborot kutubxona markazi devonxonasiga kelib tushgan barcha murojaatlar bir kun ichida rasmiy murojaat sifatida ro‘yxatga olinadi, elektron nusxa olinadi va “Ijro.uz” dasturi orqali kutubxona rahbariga yuboriladi. Murojaat tegishliligi bo‘yicha topshiriq bilan xizmat rahbariga ko‘rib chiqish uchun taqdim etiladi.

Zangiota axborot kutubxona markazi devonxonasiga kelib tushgan murojaatlarni ko‘rib chiqish muddatlari.

Ariza yoki shikoyat masalani mazmuni bo‘yicha hal etishi shart bo‘lgan Zangiota axborot kutubxona markaziga kelib tushgan kundan e’tiboran o‘n besh kun mobaynida, qo‘shimcha o‘rganish va (yoki) tekshirish, qo‘shimcha hujjatlarni so‘rab olish talab etilganda esa bir oygacha bo‘lgan muddatda ko‘rib chiqiladi.

Taklif Zangiota axborot kutubxona markaziga kelib tushgan kundan e’tiboran bir oygacha bo‘lgan muddatda ko‘rib chiqiladi, qo‘shimcha o‘rganishni talab etadigan takliflar bundan mustasno, bu haqda taklifni kiritgan jismoniy yoki yuridik shaxsga o‘n kun muddatda yozma shaklda xabar qilinadi.

Zangiota axborot kutubxona markazining veb-sayti, Yagona interaktiv davlat xizmatlari portali orqali kelib tushgan murojaatlar murojaat etuvchining elektron manziliga elektron shaklda yuboriladi. Murojaatlar elektron bo‘lmagan xolda, murojaat etuvchining ko‘rsatilgan manziliga yuboriladi.

Murojat qoldirish

Yuborish