23 июня 2025 г.

Ertakli kun

Zangiota tumani axborot-kutubxona markazi
Yoz-o'tmoqda soz(dolzarb 90 kun)
Ertakli kun
Kitobxonlik soati
Bolalar adabiyoti jajji bolajonlarning ichki dunyosini, ularning his-tuyg’ularini, fel-atvorlarini ochib berish bilan ularni hayajonlanishiga, qahramonlarning xatti -xarakatlarini baholashga  va uni muhokama qilishga o’rgatadi. Badiiy asarlarning eng yaxshi namunasi bolalarda axloqiy sifatlarni tarkib toptirishga, yaxshi-yomon, haq-nohaq, rost- yolg’on so’zlarning  ma’nosini tushunib olishga yordam beradi. Yozgi ta’tilda  bolalar qiziqarli badiiy adabiyotlarni o‘qib, o‘z dunyo qarashlarini kengaytirishlari uchun ham yaxshi bir fursatdir. Axborot-kutubxona markazi mutaxassislari 15-maktabda faoliyat olib borayotgan “Qaldirg’och” nomli sog’lomlashtirish maydonchasida bo’lib, eng sara bolalar uchun nashr qilingan kitoblardan iborat “Ertakli kun” nomli kitobxonlik soati o’tkazib, ko’chma kutubxona tashkil qildilar, hamda olib borilgan adabiyotlarning targ’ibotini o’tkazdilar. Bolalar kitoblarga katta qiziqish bilan qarab o’zlari oqigan kitoblari, undagi qahramonlar haqida tengdoshlariga gapirib berdilar. “Masha va ayiq” hamda “Ochko’z boy” ertaklarini rollarga bo’lib jonlantirdilar. Ko’rgazma uchun olib borilgan kitoblardan o’qish uchun oldilar.  Tadbirda 24 nafar o’quvchilar qatnashdilar.