4 июля 2025 г.

Maʼrifat va saxovat karvoni

Zangiota tumanida ham Prezidentimiz tashabbusi bilan boshlangan “Maʼrifat va saxovat karvoni” xayriya tadbirlari doirasida keng koʻlamli, ezgu ishlar amalga oshirilmoqda. Ushbu tashabbus jamiyatimizda mehr-oqibat, hamjihatlik va gʻamxoʻrlik qadriyatlarini mustahkamlashga xizmat qilmoqda.

🕊Tumanda 4 ta “Koʻmakchilar guruhi” shakllantirilib, ehtiyojmand oilalar holidan xabar olinmoqda. Ularning xonadonlariga birinchi navbatda dori-darmon, gigiyena vositalari, maktab bolalari uchun o‘quv qurollari hamda milliy adabiyotimiz durdonalaridan iborat kitoblar yetkazilmoqda. Bu orqali qalblarga iliqlik, umid va e’tibor ham ulashilmoqda.

🤝 Xayrli ishlarning boshida esa tuman hokimi, Respublika ishchi guruhi, tuman hokimining oʻrinbosarlari, tuman kengashi deputatlari, mahalla raislari, xotin-qizlar faollari, yoshlar yetakchilari hamda biriktirilgan tashkilot va korxona rahbarlari faol ishtirok etmoqda. Ular har bir xonadonga kirib, davlatimiz rahbarining g‘amxo‘rligi va eʼtiborini yetkazmoqdalar.
📌Ushbu tashriflar chogʻida maʼnaviy-maʼrifiy suhbatlar, ijtimoiy muammolarni oʻrganish va ularni bartaraf etish choralari ham ko‘rilmoqda.

🕯Aytish joyizki, “Maʼrifat va saxovat karvoni” – bu bir kunlik tadbir emas, insonparvarlik, mehr va hamjihatlik yo‘lidagi barqaror harakatdir. Bu kabi tashabbuslar esa xalqimiz qalbida mehr, davlatga ishonch va ertangi kunga umid uyg‘otmoqda.
📖 Tumanda faoliyat olib borayotgan “Ko’makchilar guruhi”da axborot-kutubxona markazi direktori S.Axmedova ham faol ishtirok etib, ehtiyojmand oilalardan xabar olmoqda.