13 августа 2026 г.

Tarixga hurmat va kelajakka ma’rifat

#Zangiota_tuman_akm

📆 12-avgust, 2026-yil
 

📚O’zekiston Respublikasi Mustaqilligining 35 yillik to’yi oldidan “Yagona Vatan, yagona xalq bo’lib, yangi hayot va kelajak yaratamiz” g’oyasi ostida
“Tarixga hurmat va kelajakka ma’rifat” shiori ostida ziyorat o’tkazildi.

Jonajon vatanimiz Mustaqilligining shonli 35 yillik to’yi oldidan Zangiota tumani axborot-kutubxona markazi direktori Surayyo Axmedova va tuman “Istiqbol” gazetasi bosh muharriri Dilbar Sharipovalar tumanimizning tarixiy va ma’naviy merosini o’rganish maqsadida hayrli, ibratli tashabbusni amalga oshirdilar. Tashabbusdan ko’zlangan maqsad o’lka haqidagi bilimlarini mustahkamlash, qo’hna va boy o’lka tarixini yanada chuqurroq o’rganish, ajdodlardan qolgan muqaddas qadamjolarni ziyorat qilish va ushbu boy ma’naviy merosni aholi va yoshlar o’rtasida keng ommalashtirishdan iborat. Ular Zangiota zaminining eng qadimgi va fayzli maskanlari bo’lmish Hazrat Zang iota, Hazrat Sadr ota, Hazrat Badr ota, Xo’jamozor va Abdujalilbob qadamjolarida bo’ldilar, o’tgan buyuk ajdodlarimiz xotirasiga hurmat bajo keltirib Qur’on tilovat qildilar.
“O’z o’lkasining tarixini teran anglamagan, ajdodlar izini izlamagan millatni kelajagi bo’lmaydi. Bugungi o’lkashunoslik sayohatimiz tumanimizning noyob tarixini chuqurroq o’rganish va bu tabarruk manzillar haqidagi to’plagan ma’lumotlarimizni kutubxonamiz hazinasi orqali yoshlarga yetkazish, aholi o’rtasida keng ommalashtirishga xizmat qiladi”,- dedi Surayyo Axmedova.
O’lka tarixini asrash va targ’ib etish- Yangi O’zbekistonning ma’rifatli va vatanparvar avlodini tarbiyalashda eng muhim poydevordir!

🌐 Biz ijtimoiy tarmoqlarda:

Sayt | Instagram |
Facebook | YouTube | telegram