4 мая 2026 г.

Uch avlod uchrashuvi

#Zangiota_tuman_akm

📅 4-may, 2026-yil

🏛 Zangiota tumanida “9-may — Xotira va qadrlash kuni”ga tayyorgarlik ko‘rish doirasida “Burch, jasorat, matonat” shiori ostida “Uch avlod uchrashuvi” ma’naviy-ma’rifiy tadbiri bo‘lib o‘tdi.
Unda Zangiota tumani hokimligi, tuman "Nuroniy" jamgʻarmasi, axborot-kutubxona markazi xodimlari, mehnat faxriylari, harbiy xizmatchilar, yoshlar hamda keng jamoatchilik vakillari ishtirok etib, avlodlar davomiyligi, Vatanga sadoqat va yurt tinchligini asrashdek yuksak qadriyatlar haqida fikr almashdilar.
Tadbirda so‘zga chiqqan tuman hokimi Erkin Rustamov yig‘ilganlarni yaqinlashib kelayotgan bayram bilan samimiy tabriklab, xalqimizning mardlik va matonatga boy tarixini yodga oldi. U, ayniqsa, bugungi tinch va osoyishta hayotimiz faxriylarimizning fidokorona xizmatlari evaziga ekanini alohida ta’kidlab, yoshlarni ana shunday ulug‘ an’analarga munosib bo‘lishga chaqirdi.
Shuningdek, uchrashuv davomida so’zga chiqqan respublika  “Nuroniy” lar jamiyatining Toshkent viloyati bo’limi rahbari Abdusamad Nosirov, taniqli xonanda, tarixchi olim Hojiakbar Hamidov va boshqa faxriylar ishtirokchilar bilan o‘z hayotiy tajribalari, xotiralari va ibratli voqealar bilan o‘rtoqlashib, yosh avlodga saboq bo‘ladigan fikrlarni bildirdilar.

📚 Tadbir yakunida axborot- kutubxona markazi mutaxassislari  “Xotira- kelajak uchun ibrat” nomli kitob ko’rgazmasidan joy olgan X.Sultonovning “Yaldo kechasi”, O.To’rayevaning “Donolar hikmati-hayot ziynati”, Sh.Isaxonovaning “Bibixonim”, I.Rahmonning “Olovli guldasta” kitoblarini  yig’ilganlarga o’qish uchun tavsiya qildilar.

🌐 Biz ijtimoiy tarmoqlarda:

Sayt (https://www.zakm.uz/) | Instagram (https://www.instagram.com/zangiota_akm?igsh=eGZ5NHI2a3A3bGVy&utm_source=qr) | 
Facebook (https://www.facebook.com/profile.php?id=100087950460478&__tn__=-UC*F) | YouTube (https://www.youtube.com/@zangiotaaxborot-kutubxonam1366) | telegram (https://t.me/zangiota_akm)