17 ноября 2025 г.

Bir Vatan, bir el, bir bayroq!

#shukuh 
#bayroq_34

🇺🇿“Bir Vatan, bir el, bir bayroq!” shiori ostida yurtimiz bo‘ylab davom etayotgan bayroq estafetasi Zangiota tumaniga yetib keldi.

Bugun esa ramziy bayroq estafetasi Chinoz tumanidan Zangiota tumaniga yetib keldi. Tadbir tantanavor tarzda, milliy qadriyatlarimizga hurmat, Vatanga sadoqat va birlik tuyg‘ulari ila boshlandi.

Chinoz tumani hokimi Sherzod Salixov yurtimiz sha’ni va g‘ururini ifodalovchi ramziy bayroqni Zangiota tumani hokimi Erkin Rustamovga tantanali ravishda topshirdi. O‘z navbatida Zangiota tumani hokimi so‘zga chiqib, yig‘ilganlarni 18-noyabr – O‘zbekiston Respublikasi Davlat bayrog‘i qabul qilingan kun bilan samimiy muborakbod etdi.

U o‘z nutqida yurtimiz bayrog‘i nafaqat yurtimiz osmonida, balki barcha sohalardagi yutuq va g‘alabalarimizda, xalqimizning mehnati va intilishlarida yuksaklarda hilpirashini tilab, bugungi tadbirning ahamiyatiga alohida to‘xtalib o‘tdi.

Tadbirda tuman faollari, yoshlar, sportchilar, nuroniylar hamda keng jamoatchilik vakillari ishtirok etib, bayrog‘imizga bo‘lgan cheksiz hurmat va faxr tuyg‘usini yana bir bor namoyon qildilar.

Zangiotaga kirib kelgan bayroq estafetasi esa yurtimiz bo‘ylab davom etayotgan ulug‘vor g‘oya — birlik, birdamlik va Vatanga muhabbat ramzi sifatida ertaga navbatdagi manziliga yo‘l oladi📍

✅Telegram (https://t.me/Zangiotatumanihokimligi) |✅YouTube (https://youtube.com/@zangiotatumanhokimligi9256)I
✅Fecebook (https://www.facebook.com/profile.php?id=100084808844933&mibextid=ZbWKwL)
|🌐Website (https://zangiota.uz/)I✅Instagram (https://www.instagram.com/zangiota_tumani_hokimligi?igsh=MXFvYjFrY2Fzendsbw==)

Kanalga ulanish:👉 https://t.me/Zangiotatumanihokimligi