11 июня 2026 г.

Rahbar va yoshlar uchrashuvi!

#Zangiota_tuman_akm

📅 10-iyun, 2026-yil

Rahbar va yoshlar uchrashuvi!
 

🇺🇿 Davlatimiz rahbarining “Biz yurtimizda qanday islohotlarga qo‘l urmaylik, avvalo, siz kabi yoshlarga, sizlarning kuch-g‘ayratingiz va azmu shijoatingizga suyanamiz”, dеgan ezgu so‘zlari bugungi kunda amalda o‘zining yorqin ifodasini topmoqda. Bu so‘zlar har bir yoshga katta ishonch va mas’uliyat yuklaydi.
Yoshlar yurt kelajagi, ertamiz egalari. Shu bois ularni har tomonlama qo‘llab-quvvatlash, maqsad va orzulariga yetishishida madadkor bo‘lish kattalarning asosiy vazifasi sanaladi. O’zbekiston Respublikasi Prezidenti Administratsiyasining 2026-yil 3-iyundagi 10-1357-son ko’rsatmasi, Alisher Navoiy nomidagi O’zbekiston Milliy kutubxonasining 2026-yil 5-iyun 59-son buyrug’i ijrosini ta’minlash hamda “Mustaqillikning 35 yilligi-Yangi O’zbekiston yoshlari nigohida” shiori ostida yoshlarda shukronalik va vatanparvarlik tuyg’usini yuksaltirish, ularni qiynab kelayotgan muammolarini aniqlash va hal qilish maqsadida axborot-kutubxona markazida “Rahbar va yoshlar” uchrashuvi o’tkazildi. Tadbirda AKM direktori S.Axmedova va jamoaning yosh mutaxassislari o’rtasida “Mening hayotdagi idealim, muammolarim va istiqboldagi rejalarim” mavzusida dildan suhbat o’tkazildi. Uchrashuv davomida yoshlar qay tarzda kutubxonachilik kasbini tanlaganliklari, bugungi kunda ularni qiynayotgan muammolar va kelajakdagi rejalari bilan shaffoflik bilan o’rtoqlashdilar. O’z navbatida AKM direktori S.Axmedova kutubxonachilik kasbining nozik jihatlari, hayotda uchraydigan muammolarni yengib o’tish, kelajakdagi orzi-maqsadlarga yetish yo’llarini samimiy suhbat tarzida yetkazdi. Bugungi “Rahbar va yoshlar” uchrashuvi savol-javoblarga boy, qiziqarli, yodda qolarli tarzda bo’lib o’tdi.

🌐 Biz ijtimoiy tarmoqlarda:

Sayt | Instagram |
Facebook | YouTube | telegram