24 февраля 2022 г.

“Zukko kitobxon” ko’rik-tanlovi

#Zangiota_Festival_Zukko_kitobxon
Avval xabar berganimizdek yoshlar bilan ishlashning yangicha boshqaruv mexanizmlarini joriy etish, ular bilan ishlashning vertikal tizimini yaratish, yoshlar muammolarini bevosita mahallalarda hal etish, ma’naviy-ma’rifiy va tarbiyaviy ishlarning samaradorligini yanada oshirish hamda yoshlarni bo’sh vaqtini mazmunli tashkil etish maqsadida joriy yilning 20 fevral kuni Zangiota tumanida joylashgan “Nazarbek” mahallasida “Yoshlar festivali”ga start berilgan edi. Festival doirasida “Nazarbek” mahallasining 16-30 yoshlilar o`rtasida “Zukko kitobxon” ko’rik-tanlovining saralash bosqichi bo`lib o`tgan, birinchi bosqichda ishtirok etgan 44 nafar yosh kitobxonlar bilimi sinovdan o`tkazilib, 8 nafar yosh kitobxon tanlovning 2-bosqichida ishtirok etish uchun yo`naltirilgan edi. 23 fevral kuni ko`rik-tanlovning 2-bosqichi bo’lib o’tdi. Ko`rik-tanlovda kitobxonlar 3 ta shart bo`yicha bellashdilar. Tanlov yakuniga ko`ra faxrli 1- orin 113 bal to`plagan Xumoyun Qilichevga, 2- o`rin 104 bal to`plagan Madina G`ulomovaga, 3- o`rin 100 bal to`plagan Lazzat Quvanbayevaga nasib qildi. Belgilanganidek g`oliblar  Davlat Soliq Inspeksiyasi tomonidan pul mukofoti va kitoblar jamlanmasi bilan taqdirlanadilar. Eslatib o`tamiz:
🎁Birinchi o'rinni egallagan kitobxon  1 500 000 so'm pul mukofoti va kitoblar jamlanmasi.                                                                           🎁Ikkinchi o'rin gallagan kitobxon  1 000 000 so'm pul mukofoti va kitoblar jamlanmasi hamda                                                                   🎁uchinchi o'rinni egallagan kitobxon 500 000 so'm pul mukofoti va kitoblar jamlanmasi bilan taqdirlanadilar.
Mukofotlar egalariga 26 fevral kuni festivalning yopilish marosimida tantanali ravishda topshiriladi.