6 февраля 2025 г.

She’riyat va saltanat tojdori

Zangiota tumani axborot-kutubxona markazi

She’riyat va saltanat tojdori

Adabiy  badiiy kecha

Asrlardan asrlarga, nasllardan nasllarga o’ta xalqlar dilida barhayot bo’lish yolg’iz ulug’largagina- shu xalqning ezgu umidlarini, ajoyib orzularini ifodalagan buyuk shaxslargagina  xos xususiyat va qismat bo’lgan. Alisher Navoiy mana shundaylardan biridir. Bugun axborot-kutubxona markazida  buyuk mutaffakkir, davlat arbobi Alisher Navoiy  tavallud topgan  kun munosabati bilan  “She’riyat va saltanat tojdori” deb nomlangan adabiy  badiiy kecha o’tkazildi. Tadbirda buyuk shoir va mutaffakkir, o’zbek mumtoz adabiyotining asoschisi Hazrat Alisher Navoiyning hayoti va boy ijodiy merosi haqida so’z yuritildi. Tuman madaniyat bo’limi “Hosil” xalq maqom ansambli xonandalari tomonidan Navoiy g`azallaridan  maqom qo`shiqlari ijro etildi.  “Kitob-qalb quyoshi” nomli faol kitobxonlar klubi a’zolari tomonidan  g’azallar yod olindi, sahna ko’rinishlari  namoyish  etildi. Kutubxona mutahassislari tomonidan  “Asrlarga asrdosh-avlodlarga zamondosh” deb nomlangan kitob ko’rgazmasidan joy olgan adabiyotlarning targ’iboti olib borildi hamda Navoiy asarlari yuzasidan savol-javoblar  o`tkazildi. Tadbirda faol ishtirok etgan  kitobxonlarga II-sektor rahbari, tuman prokurori Alisher  Jo’rayev tomonidan sovg’a qilingan badiiy adabiyotlar  tantanali topshirildi.