5 июня 2025 г.

Tabiatni asrashda mening hissam

Zangiota tumani axborot-kutubxona markazi
Yoz-o'tmoqda soz(dolzarb 90 kun)
Tabiatni asrashda mening hissam
Ekologik tarbiyaviy soat
Har yili 5-iyun  butun dunyo bo‘ylab “Xalqaro tabiatni muhofaza qilish kuni”  sifatida  keng nishonlanadi. Bu kun bizni ona tabiatni asrash, atrof-muhitga e’tiborli bo‘lish va kelajak avlodlar uchun sog‘lom ekologik muhit qoldirish haqida chuqur o‘ylashga undaydi.  Tumandagi 19 - maktab qoshida     loyihasi doirasida tashkil etilgan “Quyoshcha” nomli sog’lomlashtirish maydonchasida  hordiq chiqarayotgan yoshlar bilan 2025-yil “Tabiatni asrash va “Yashil” iqtisodiyot yili” hamda ushbu  kun  munosabati bilan “Tabiatni asrashda mening hissam” mavzusida ekologik tarbiyaviy soat  o’tkazildi.  Tabiat – bu bizning uyimiz,  uni asrash esa faqat ekologlar yoki olimlarning emas, balki har bir insonning vazifasi ekanligi,  daraxt ekish, suvni tejash, chiqindilarni saralab tashlash kabi oddiy amallar bilan ham biz tabiatni himoya qilishga o‘z hissamizni qo‘shishimiz mumkinligi haqida so’z yuritilib, qiziqarli musobaqa o’tkazildi. Ushbu tadbirda axborot-kutubxona markazi mutaxassislari ishtirok etib,  bolalar uchun nashr etilgan ekologiya, tabiat, hayvonot dunyosi va suv resurslari haqida yozilgan kitoblarning targ’ibotini  olib bordilar.Sod’lomlashtirish maydonchasida ko’chma kutubxona tashkil qilib,   “Mening birinchi ensiklopediyam” ruknida nashr etilgan “O’simliklar olamiga sayohat”, “Kapaliklar olamiga sayohat” A.Akbarning “Oq qovunning bolasi” kitoblarini  o’qish uchun tavsiya qildilar.  Tadbirda 26 nafar o’quvchi – yoshlar ishtirok etdilar.