15 июля 2025 г.

Kitobga burkangan yoz

Zangiota tumani axborot-kutubxona markazi

Yoz-o'tmoqda soz(dolzarb 90 kun)

Kitobga burkangan yoz

Ma’naviy-ma’rifiy tadbir

Bugun axborot-kutubxona markazi xodimlari tomonidan "Dolzarb 90-kun" loyihasi doirasida 32-maktab qoshida faoliyat olib borayotgan “Qaldirg’och” nomli oromgohda "Kitobga burkangan yoz" nomli navbatdagi ma’naviy-ma’rifiy tadbir o’tkazildi. Tadbir bolajonlar uchun nafaqat bilim manbai, balki iliq tuyg‘ular va ilhom manbai bo‘ldi.Tadbir davomida bolalarga kitob o‘qishning ahamiyati, kitob orqali erishiladigan yutuqlar, buyuk allomalarimizning ilm va ma’rifatga bo‘lgan munosabati haqida so‘z yuritildi. Yosh kitobxonlar o‘z sevimli asarlari haqida fikr almashdilar, o‘zbek va jahon adabiyoti durdonalari haqida bilimlarini namoyon etdilar.Savol-javoblar, topishmoqlar, she’rxonlik va kichik o‘yinlar orqali bolalar kitobxonlikka  chorlandi. Tadbir so’ngida mutaxassislar tomonidan T.Malikning. “Alvido bolalik”, Pyer Kyulliforning “Smurflar”, Fayzi Shohismoilning “Buvim ertak aytganda”nomli kitoblarining targ’iboti olib borilib , o’quvchi –yoshlarga o’qish uchun tavsiya qilindi. Bu tadbir yoshlar qalbida kitobga mehr uyg‘otishda muhim omil bo‘lib xizmat qildi.Tadbirda 26 nafar o'quvchi-yoshlar ishtirok etdilar.