13 февраля 2023 г.

“Buyuk shoh, shoir va sarkarda”

#Zangiota_AKM
#Bobur_540_yilligi
#Bobur_kabi_seving_Vatanni
Joriy yilning 13 fevral kuni Zangiota tumani axborot-kutubxona markazi tomonidan  O`zbekiston Respublikasi Prezidentining “Buyuk shoir va olim, mashhur davlat arbobi Zahiriddin Muhammad Bobur tavalludining 540 yilligini keng nishonlash to`g`risida” 2023-yil 25-yanvardagi PQ-20-son qarori hamda O`zbekiston Respublikasi Prezidenti Adminstratsiyasi huzuridagi Axborot va ommaviy kommunikatsiyalar agentligining 2023-yil 30-yanvardagi 14-buyrug`i ijrosini ta`minlash maqsadida, o‘zbek mumtoz adabiyotining yirik vakili, buyuk shoir, tarixchi, geograf, davlat arbobi, iste’dodli sarkarda, boburiylar sulolasi asoschisi, temuriy shahzoda Zaxiriddin Muxammad Bobur tavalludi kuni munosabati bilan 14-IDUM hamda tumandagi harbiy qism bilan hamkorlikda “Bobur kabi seving Vatanni” deb nomlangan ma`naviy-ma`rifiy tadbir kechasi o`tkazildi. Kechada maktab o`quvchilari hamda axborot-kutubxona markazining faol kitobxonlari tomonidan adib qalamiga mansub g‘azallar, ruboiylar yod olindi, sahna ko`rinishlari namoyish etildi. Shuningdek “Buyuk shoh, shoir va sarkarda” deb nomlangan kitob ko`rgazmasi tashkil etilib, taniqli amerikalik sharqshunos va biografik asarlar muallifi Harold Albert Lambning „Bobur-yo`lbars“ kitobining taqdimoti o`tkazildi. Muallif ushbu kitobni yaratish uchun juda ko`p izlanishlar olib borganligi, ko`plab ma`lumotlarni o`zaro qiyoslab ularga holisona yo`ndoshganligi,“Boburnoma”ning yo`qolgan sahifalaridagi ma`lumotlarni o`sha davrda yozilgan asarlar asosida to`ldirishga harakat qilganligi va o`z mulohazalarini ravon hamda qiziqarli usulda bayon qilishga muyassar bo`lganligi haqida ma`lumotlar berildi. Tadbirda  130 nafar nafar o`qituvchi, o`quvchi yoshlar hamda kitobxonlar ishtirok etdilar.