ZAKM

18 июня 2025 г.

Aql-kitobdan quvvat oladi

Zangiota tumani axborot-kutubxona markazi
Yoz-o'tmoqda soz(dolzarb 90 kun)
Kitobxon onalar kuni
Aql-kitobdan quvvat oladi
Davra suhbati
Har oyning 17-sanasida an’anaviy tarzda o’tkazib kelinayotgan “Kitobxon onalar kuni”ning navbatdagi tadbiri “Mutolaa oiladan boshlanadi” shiori ostida “Aql-kitobdan quvvat oladi” nomli davra suhbati tarzida bo’lib o’tdi. Tadbir Xalq deputatlari Zangiota tumani Kengashi kotibiyati, oila va xotin-qizlar bo’limi , “Istiqbol” gazetasi, madaniyat bo’limi bilan hamkorlikda o’tkazildi.
Tadbirda kitob — bilim manbai, xazinalar kaliti, insonni kamolotga eltuvchi yo‘l ekanligi, oilada kitobning o‘rni haqida so‘z yuritildi. Qush uyasida ko‘rganini qiladi, deya bejiz aytishmagan. Oila muhitining farzand tarbiyasidagi o‘rni va roli katta. Ona yoki ota nima bilan band bo‘lsa, bola ham ayni ulardek bo‘lishga intiladi. Shunday ekan, kattalar munosib ibrat bo‘lishga intilishlari lozimligi ta’kidlandi. Yoshi ulug’ onaxonlar o’zlari yoshliklarida uy yumushlari, farzand tarbiyasi, qaynona-qaynota xizmatlari bilan birga kitob o’qishga vaqtlari bo’lmaganligi, lekin xohish bo’lsa imkoniyat topilishi, beshikda bolani oziqlantirayotgan paytda kitob o’qiganlari haqida gapirib berdilar. Kitobga muhabbat ona suti orqali o’tib, shu farzandlar ham kelajakda o’qimishli, kitob o’qishni yaxshi ko’radigan insonlar bo’lib katta bo’lishgani haqida to’xtaldilar.
Kutubxonamizning faol kitobxonlar klubi a’zosi Baxtiyorova Dilnura 5-sinf o’quvchisi bo’lishiga qaramay munchoqlardan turli xil buyumlar yasash bilan shug’ullanib kelyotganligi, bu hunarni o’rganishida kutubxonamizdan olgan “Изумительные сумочки своими руками” nomli kitob katta yordam berganligi haqida gapirib berdi. O’z qo’l ishlari, yasagan buyumlarini tadbir qatnashchilariga namoyish qildi.
Tadbir jonli, savol-javoblarga boy tarzda bo’lib o’tdi. Ayniqsa madaniyat bo’limi xonandasi Jahongir Mirzayev tomonidan ijro etilgan jonli qo’shiqlar tadbirga ko’tarinki kayfiyat bag’ishladi. Unda faol qatnashgan kitobxonlarga kutubxona ma’muriyati tomonidan badiiy kitoblar sovg’a qilindi. Kutubxona bo’ylab ekskursiya tashkil qilindi. Tadbir qatnashchilari o’zlari, farzand va nabiralariga o’qish uchun kitoblar oldilar. Ushbu tadbirda kanvoyi onaxonlar bilan birga yosh uy bekalari o’zlarining farzandlari bilan ishtirok etdilar. Ularning jajji bolajonlari ilk marotaba kutubxonaga qadam qo’yib, ertak kitoblarini qiziqish bilan tomosha qildilar. Tadbirda 55 nafar turli yoshdagi ayollar ishtirok etdilar.

5 мая 2026 г.

Ekskursiya

#Zangiota_tuman_akm

📅 5-may, 2026-yil

🏛 Zangiota tumani axborot-kutubxona markazi xodimlari , tuman tashkilotlarining bir guruh xodimlari bilan birgalikda yurtimizning bebaho ma’naviy merosini o‘zida mujassam etgan Islom sivilizatsiyasi markaziga tashrif buyurdilar.

🏛 Mazkur markaz nafaqat ulug‘ ajdodlarimizning ilm-fan, ma’rifat va tamaddun rivojiga qo‘shgan ulkan hissasini namoyon etuvchi maskan, balki yosh avlod …