18 февраля 2026 г.

"Onalar yaratgan dunyo"

#Zangiota_tuman_akm

📅 18-fevral, 2026-yil

👤Kitobxon onalar safini kengaytirish, jamiyat hayotida kitobxonlik madaniyatini oshirish, xotin-qizlar orasida kitobxonlikni keng targ'ib qilish orqali o`sib kelayotgan yosh avlodning tarbiyasi shakllanishiga xizmat qiladi.
🏛Shu maqsadda navbatdagi “Kitobxon onalar” kuni tadbiri  tumanning faol ayollari bilan "Onalar yaratgan dunyo" mavzusida dildan suhbat tarzida o’tkazildi. Tadbir ishtirokchilari oilada kitob o`qishga farzandlari, nabiralarini qanday qiziqtirayotganliklari, ko’p kitob o’qigan farzandlarini  qanday usullar bilan rag’batlantirib borishlari haqida o'rtoqlashdilar.

📚 Kutubxona mutaxassislari ham o’z navbatida bugungi kun kitobxoni, ularga yaratilgan shart-sharoitlar va yangi nashr etilgan badiiy, ilmiy-ommabop hamda bolalar adabiyotlari haqida ma’lumotlar berdilar. Ayniqsa iste’dodli shoira, jozibali nasriy asarlar muallifi  Saida Zunnunova tavalludining  yuz  yilligi respublikamizda keng nishonlanayotgani, atoqli ijodkor Saida Zunnunova mushfiq, munis onalar, matonatli o’zbek ayolining yorqin timsoli ekanligi haqida bergan ma’lumotlari yig’ilganlarga ko’tarinki kayfiyat bag’ishlab, shoira ijodiga qiziqish uyg’otdi. Tadbir so’ngida Saida Zunnunova she’rlaridan namunalar o’qildi. Uning yangi nashr etilgan “Qizlarjon” hamda “Bahor”  nomli to’plamlari o’qish uchun  tavsiya etildi.

👥 Tadbirda 32 nafar buvijonlar, uy bekalari va yoshlar ishtirok etdilar.

🌐 Biz ijtimoiy tarmoqlarda:

Sayt (https://www.zakm.uz/) | Instagram (https://www.instagram.com/zangiota_akm?igsh=eGZ5NHI2a3A3bGVy&utm_source=qr) | 
Facebook (https://www.facebook.com/profile.php?id=100087950460478&__tn__=-UC*F) | YouTube (https://www.youtube.com/@zangiotaaxborot-kutubxonam1366) | telegram (https://t.me/zangiota_akm)