4 декабря 2025 г.

Uch avlod uchrashuvi

Zangiota tumani axborot-kutubxona markazi

Uch avlod uchrashuvi

Suhbat va samiymiyat

Davra suhbati

Joriy yilning 4-noyabr kuni tumandagi 42-umumiy o‘rta ta’lim maktabida 8–11-sinf o‘quvchi qizlar bilan  sog‘lom turmush tarzi, shaxsiy gigiyena, etika, erta tug‘ruqning oldini olish hamda qizlarni hayotga mas’uliyat bilan tayyorlash mavzularida  "Suhbat va samiymiyat" nomli davra suhbati tashkil etildi.  Tadbirda mutaxassislar qizlarga sog‘lom va to‘g‘ri turmush tarzini shakllantirish, shaxsiy poklikning ahamiyati, o‘z-o‘zini asrash, hayotdagi muhim tanlovlar va mas’uliyatli qarorlar haqida yuksak mehr va e’tibor bilan tushuntirishlar berishdi. O’zbekiston Respublikasi Konstitutsiyasida erkak va ayollarning huquqlari teng deb belgilab qo’yilgani, 2019-yil 2-sentabrda “Gender tengligi to’g’risida” qonun qabul qilinganligi hamda ushbu qonunning mazmun mohiyati haqida so’z yuritildi. “Uch avlod uchrashuvi” tarzida tuman axborot-kutubxona markazi, oila va xotin-qizlar bo’limi, “Nuroniy” jamg’armasi bilan hamkorlikda tashkil etilgan tadbirda  nuroniy ayollar, o‘rta avlod vakillari va yosh qizlar bir davrada suhbatlashib, o‘z tajribasi, o‘gitlari va hayotiy saboqlari bilan o‘rtoqlashdilar. Tadbirda 98 nafar o’quvchi-yoshlar va ularning o’qituvchilari ishtirok etdilar.