9 июля 2025 г.

Mening sevimli kitobim

Zangiota tumani axborot-kutubxona markazi
Yoz-o'tmoqda soz(dolzarb 90 kun)
 Mening sevimli kitobim
Kitobxonlik soati
Axborot-kutubxona markazi mutaxassislari o’quvchi-yoshlarni yozgi ta’til kunlarida bo’sh vaqtlaridan unumli foydalanish, kitob o’qishga bo’lgan qiziqishlarini rag’batlantirish, maqsadida maktablar qoshida tashkil etilgan sog’lomlashtirish maydonchalarida “Dolzarb 90 kun” loyihasi doirasida  bir qator tadbirlar tashkil etmoqdalar. “Kitobxonlikda ta’til bo’lmaydi” shiori ostida kutubxonadagi eng sara bolalar va o’smirlar uchun nashr etilgan adabiyotlardan kitob ko’rgazmasi tashkil etilib,  “Mening sevimli kitobim” nomli kitobxonlik soati 36-maktabdagi “Qaldirg’och” nomli sog’lomlashtirish maydonchasida o’tkazildi. Tadbirda  kitob har qanday sharoit va vaziyatda bizlarning hamrohimiz, kerak bo’lganda maslahatchimiz bo’lishi haqida so’z yuritildi. Ko’rgazma uchun olib borilgan  S.O’zerenning “Kichik suv tomchisining dunyoga sayohati”, “Dunyo tan olgan 20 iste’dod sohibalari”, Ch.Dikkensning “Oliver Tvist”  kitoblari o’qish uchun tavsiya qilindi. Bolalar ham o’zlari yaxshi ko’rib o’qigan kitoblari, ularning qahramonlari haqida tengdoshlariga gapirib berdilar. Tadbirda 18 nafar o’quvchi-yosh ishtirok etib, o’zlarini qiziqtirgan kitoblardan o’qish uchun oldilar.