13 апреля 2026 г.

Erta so’ngan yulduzim

#Zangiota_tuman_akm

📅 13-aprel, 2026-yil

🏛️ O'zbekiston Respublikasi Prezidentining 2026-yil 15-yanvar "Kitobxonlik madaniyatini rivojlantirish va aholi o’rtasida kitob o'qishga qiziqishni oshirish chora tadbirlari to'g'risi"dagi 9-son qaroriga hamda Alisher Navoiy nomidagi O’zbekiston Milliy kutubxonasining 2026-yil 8- apreldagi 01-12/300-son xatiga asosan, bugun Zangiota tumani axborot-kutubxona markazida “Kitobsevar Millat” shiori ostida haftalikning tantanali ochilish marosimi o’tkazildi. Haftalik ichki ishlar Vazirligi, Toshkent viloyati ichki ishlar Bosh Boshqarmasi mas’ul xodimlari, Zangiota tumani ichki ishlar bo’limi, tuman Madaniyat bo’limi bilan hamkorlikda  O’zbekiston xalq shoiri Muhammad Yusuf tavalludi kuniga bag’ishlangan “Erta so’ngan yulduzim” nomli  xotira kechasi bilan boshlandi.Muhammad Yusuf oramizda yo’q bo’lsa-da uning dardchil satrlarini sog’inmagan, kitoblarini kitob do’konidan izlamagan muxlislari bo’lmasa kerak. Tadbirda shoirning hayoti va ijodiga oid ma’lumotlar berildi, she’rlaridan namunalar o’qildi. Madaniyat bo’limi honandalari tomonidan ijro etilgan qo’shiqlar yig’ilganlarga xush kayfiyat bag’ishladi.

📚 Adib asarlari asosida “Xotira uyg’onsa go’zal” nomli kitob ko’rgazmasi tashkil etildi. Mutaxassislar tomonidan “Muhammad Yusuf zamondoshlari xotirasida” va M.Yusufning  “Saylanma” kitoblarining targ’iboti olib borildi hamda o’qish uchun tavsiya qilindi. Tadbir nihoyasida yig’ilganlar tashkil etilgan kitob yarmarkasi bilan tanishdilar va kutubxona bo’ylab ekskursiya qildilar. Ular kitob fondi, kitobxonlarga yaratilgan sharoitlar bilan tanishib o’zlariga ma’qul kitoblardan  o’qish uchun oldilar.

👥 Tadbirda 68 nafar kitob ixlosmandlari ishtirok etdilar.

🌐 Biz ijtimoiy tarmoqlarda:

Sayt | Instagram |

Facebook | YouTube | telegram