17 октября 2024 г.

Kitob-kelajak yo’lboshchisi

Zangiota tumani axborot-kutubxona markazi
Kitobxon onalar kuni
Kitob-kelajak yo’lboshchisi
Kitob ong va qalb ehtiyojini qondiruvchi omil sifatida inson ruhini tarbiyalaydi, shaxsni shakllantiradi. Kitob odamdan mutolaada nafaqat ko`z va aql, shuningdek, ko`ngil ham birdek ishtirok etishini talab qiladi. Kitob o`qishdan maqsad aql-tafakkur bilan uni mantiqiy muhokama etishgina emas, balki chin yurakdan zavqlanish, ta'sirlanish, o`zlikni, haqiqatni izlab topish hamdir. Har oyning 17- sanasida  “Kitobxon onalar kuni” muntazam   o’tkazib kelinmoqda. Bugungi “Kitob-kelajak yo’lboshchisi” nomli kitobxonlik kuni tuman tibbiyot birlashmasida o’tkazildi. Unda kitob insonni yerdan ko‘kka ko‘taruvchi, uning ma'naviy quvvatini oshiruvchi, insoniyatning tarixiy xotirasi, ma'naviy-ma'rifiy olami, ilmiy zaminini mustahkamlovchi buyuk kuch ekanligi haqida so’z yuritildi. Shuningdek tadbir ishtirokchilari o’zlari sevib o’qigan kitoblari, undan olgan biro lam taassurotlari bilan o’rtoqlashib, dildan suhbatlashdilar. 
       Faol qatnashgan uch nafar ishtirokchi badiiy adabiyotlar bilan taqdirlandilar. Mutaxassislar tomonidan Ellen Feynning “Oqila ayol qoidalari” bestseller  kitobi o’qish uchun tavsiya qilindi.