17 марта 2026 г.

“Ma’rifatli onalar- ma’naviyat posbonlari”

#Zangiota_tuman_akm

📅 17-mart, 2026-yil

 🏛Farzandini kitobga oshno etishda ona oʻrnini hech bir ustoz bosa olmaydi. Axborot-kutubxona markazida “Kitobxon onalar kuni” munosabati bilan “Ma’rifatli onalar- ma’naviyat posbonlari” nomli kitobxonlik kuni o’tkazildi. Tadbirda tuman tibbiyot birlashmasi tizimida faoliyat olib borayotgan bir guruh kitobxon onalar  ishtirok etdilar. Kitob va kitobxonlik insonlar ong-tafakkurini teranlashtirib, qalbiga eng goʻzal ezgu niyatlarni joylaydigan, ularni yaxshiliklar olamiga yetaklaydigan maʼnaviyat sarchashmasidir.

📚 Tadbirda  kitobning fazilatlari, uning hayotimizdagi órni naqadar beqiyos ekanligi haqida fikrlar yuritildi.  Kitobxon onalarimiz ham ózlari sevib mutolaa qilgan asarlaridan olgan taassurotlari bilan bólishdilar. Oilada qaynona-kelin munosabatlarini mustahkamlashda, bolalar tarbiyasida kitob o’qishning foydali tomonlarini o’z oilalari misolida aytib berdilar.  Tadbirda yana  har bir xalqning o‘ziga xos qadriyatlari va milliy bayramlari borligi, O‘zbekiston xalqi uchun Navro‘z eng qadimiy va eng qadrli bayramlardan biri ekanligi, bu nafaqat yangi yilning boshlanishi, balki mehr-oqibat, tinchlik va birlik faslining ramzi hisoblanishi haqida so’z yuritildi. Milliy an’analar, milliy o’yinlar va milliy qo’shiqlar, laparlarning tarbiyaviy ahamiyati, Navro’z taomlari sumalak, halim, ko’k somsalar tayyorlab ilikuzildi vaqtida organizmni vitaminlar bilan boyitish kerakligi ta’kidlandi.  Havoskor shoir-onalar o’z ijod namunalaridan o’qib berdilar. Savol-javob, rebus o’yinlarida faol ishtirok etgan qatnashchilar kutubxona ma’muriyati tomonidan kitoblar bilan taqdirlandilar.

👥  Tadbir so’ngida qatnashchilar kutubxona bo’ylab ekskursiya qildilar va o’qish uchun kitoblardan oldilar.  Tadbirda 62 nafar xotin-qizlar qatnashdilar.

🌐 Biz ijtimoiy tarmoqlarda:

Sayt (https://www.zakm.uz/) | Instagram (https://www.instagram.com/zangiota_akm?igsh=eGZ5NHI2a3A3bGVy&utm_source=qr) | 
Facebook (https://www.facebook.com/profile.php?id=100087950460478&__tn__=-UC*F) | YouTube (https://www.youtube.com/@zangiotaaxborot-kutubxonam1366) | telegram (https://t.me/zangiota_akm)