19 октября 2022 г.

“Men topgan xazinaning o`zisan ona tilim, Yangi O`zbekistonning so`zisan ona tilim”

#Zangiota_AKM
#Men_topgan_xazinaning_o`zisan_ona tilim_Yangi_O`zbekistonning_so`zisan_ona_tilim
Ona tili – millatning ruhidir. Til — davlat timsoli, mulki. Tilni asrash, rivojlantirish millatning yuksalishi demak. 1989 yil 21-oktabr kuni Vatanimizda davlat tilining huquqiy asoslarini belgilash bo`yicha “Davlat tili to`g`risida” gi Qonun qabul qilinib, unga ko`ra O`zbek tiliga – davlat tili maqomi berildi. Shu kundan boshlab, xalqimizning muqaddas qadriyatlarining gultoji bo`lgan ona tilimiz o`zining qonuniy maqomi va himoyasiga ega bo`ldi. Bu yil O‘zbek tiliga davlat tili maqomi berilganining 33 yilligini nishonlaymiz. Ushbu muddat tarix oldida qisqa fursatdek tuyulsa-da, o‘tgan yillar davomida tilimizning nufuzi va obro‘si yana-da yuksalgani, ona tilimizda so‘zlashuvchilar soni jahon miqyosida million kishiga yetgani ham barchamizga g‘urur, iftixor bag‘ishlaydi. 2022 yil 18 oktabr kuni Zangiota tumani axborot-kutubxona markazida O`zbek tiliga davlat tili maqomi berilgan kun munosabati bilan “Men topgan xazinaning o`zisan ona tilim, Yangi O`zbekistonning so`zisan ona tilim” deb nomlangan davra suhbati bo`lib o`tdi. Tadbirda tuman hokimining o`rinbosari,  oila va xotin-qizlarni qo`llab quvvatlash bo`limi boshlig`i S.Usmonova, Respublika ma`naviyat va ma`rifat markazi Zangiota tumani bo`linmasi rahbari Sh.Bobojonova, tuman “Istiqbol” gazetasi bosh muharriri D.Sharipova, tuman hokimining til bo`yicha maslahtchisi N.Mavlonbekova hamda  73 ta MFYlarining xotin-qizlar faollari ishtirok etdilar. Davra suhbati qizg`in savol-javoblarga boy tarzda o`tdi. Tadbir yakunida axborot-kutubxona markazi tomonidan yig`ilganlar uchun “O`zbek tilining izohli lug`ati” kitobining taqdimoti o`tkazildi.