12 марта 2025 г.

Kitob bilan do’st bo’laman

Zangiota tumani axborot-kutubxona markazi

Kitob bilan do’st bo’laman

Kitobxonlik soati

“Kitob—bilim manbai”- bu isbot talab qilmas haqiqat. Yoshlar badiiy adabiyotlarni oʻqiganda, ularning dunyoqarashi kengayadi, hayotga munosabati oʻzgaradi. Zero, kitob — qalb chirogʻi, tafakkur qanoti. Ayniqsa, kitobdan taraladigan va elektron nashrdan topib boʻlmaydigan oʻziga xos yoqimli hidni tuyib, varaqlash asnosida moʻjizaviy sahifalarning sirli shitirlashidan koʻngil cheksiz zavqqa toʻlgan holda kitob mutolaa qilish, uning mazmuni haqida tengdoshlari  bilan fikr almashishning huzur-halovati tamoman oʻzgachadir. Bugun axborot-kutubxona markaziga tumandagi 14-maktabning 4-sinf o’quvchilari tashrif buyurdilar. Ular bilan  “Kitob bilan do’st bo’laman” nomli kitobxonlik soati o’tkazildi.  Tadbirda kitob bizning eng yaqin do’stimiz ekanligi, kitob o’qish orqali tafakkurimiz, dunyoqarashimiz, so’z boyligimiz  ortib borishi haqida so’z yuritildi. O’z navbatida bolalar ham o’zlari o’qigan kitoblari, undan olgan taassurotlari haqida gapirib berdilar. Bolalar uchun yangi nashr qilingan E.Malikning “Chumolilar saltanati”, M.Yo’ldoshevaning “Uchar hammom”, F.Shohismoilning “Buvim ertak aytganda”, A.Obidjonning “Futbol to’pining sayohati” kitoblari o’qish uchun tavsiya qilindi. Tadbir so’ngida bolalar kutubxona bo’ylab sayohat qilib, o’zlariga yoqqan kitoblarni o’qish uchun oldilar.