17 ноября 2025 г.

To‘y va marosimlarda me’yor — yuksak madaniyat belgisi

Zangiota tumani axborot-kutubxona markazi
To‘y va marosimlarda me’yor — yuksak madaniyat belgisi
Ma’naviy-ma’rifiy tadbir 
Bugun Oʻzbekiston Respublikasi Vazirlar Mahkamasining 2025-yil 16-sentabrdagi 589-son qarori ijrosini taʼminlash, toʻy va marosimlarni ixcham, oila imkoniyatlariga mos ravishda tashkil etishni koʻzda tutuvchi “Maromiylik” dasturi doirasida hamda “Kitobxon onalar kuni” munosabati bilan axborot-kutubxona markazida  “To‘y va marosimlarda me’yor — yuksak madaniyat belgisi” nomli ma’naviy-ma’rifiy tadbir o’tkazildi. 
 Tadbirda toʻy va marosimlarni oʻtkazishda isrofgarchilikka yoʻl qoʻymaslik, milliy qadriyat va anʼanalarni asrab-avaylab, ularni zamonaviy talablarga mos ravishda tashkil etish masalalari muhokama qilindi.  Shuningdek, aholining oqilona sarf-xarajat madaniyatini oshirish, yoshlarni maʼnaviy tarbiyalash va ushbu yoʻnalishda amaliy ishlarni kuchaytirish boʻyicha takliflar bildirildi. “Maromiylik” — bu nafaqat iqtisodiy tejamkorlik, balki ma’naviy yuksaklik, odob va tarbiyaning mezoni ekanligi, bunda ayollarning o’rni muhim ekanligi ta’kidlab o’tildi. Kutubxona mutaxassislari tomonidan mavzuga mos kitob ko’rgazmasi tashkil etildi. Ko’rgazmadan joy olgan T.Malikning “Odamiylik mulki”, “Kuyov bola sizga aytar so’zim bor”, T.Sodiqovaning  “Bugungi erkaklar”, Kaykovusning  “Qobusnoma” kitoblari o’qish uchun tavsiya qilindi.