18 апреля 2025 г.

Bo’ston qayda edi, ustoz bo’lmasa…

Zangiota tumani axborot-kutubxona markaz
Bo’ston qayda edi, ustoz bo’lmasa…
Ma’naviy-ma’rifiy tadbir
Kitob ko'rgazmasi
O‘zbekiston Yozuvchilar uyushmasi a’zosi, taniqli yozuvchi, “Shuhrat” medali sohibi, 1988-2010 yillarda tuman “Istiqbol” gazetasi  bosh muharriri lavozimida  ishlagan  Abdusattor  Hotamovning 80 yillik yubileyi munosabati bilan adabiy-badiiy kecha bo‘lib o‘tdi. Kechada Toshkent viloyati hokimi Zoyir Mirzayev tabrigini viloyat hokimi o‘rinbosari J. Bobojonov o‘qib eshittirdi. O‘zbekiston Yozuvchilar uyushmasi Toshkent viloyati bo‘limi rahbari, O‘zbekiston xalq shoiri Mahmud Toir, taniqli shoirlar Salim Ashur, Muhiddin Omon, O‘zbekiston Jurnalistlar uyushmasi Toshkent viloyati bo‘limi raisi, O‘zbekistonda xizmat ko‘rsatgan yoshlar murabbiysi Rahmatilla Sheraliyev, O‘zbekiston xalq ustasi, akademik Sirojiddin Rahmatillayev va boshqalar yozuvchi ijodi haqida o‘z fikr-mulohazalarini bildirib, Abdusattor Hotamovni qutlug‘ yoshi bilan muborakbod etdilar.
 Tadbir doirasida axborot-kutubxona markazi  mutaxassislari tomonidan “Bo’ston qayda edi, ustoz bo’lmasa…” rukni ostida kitob ko’rgazmasi tashkil etilib, yozuvchining “Vaqt yog’dusi”, “Yaxshilik daraxti” nomli kitoblarining targ’iboti olib borildi.