16 августа 2023 г.

“Tabobat ilmining sultoni”

📜 Markaziy Osiyo xalqlari madaniyatini o‘rta asr sharoitida dunyo madaniyatining oldingi qatoriga olib chiqqan buyuk mutafakkirlardan biri Abu Ali Husayn ibn Abdulloh ibn Sino bo‘lib, u Yevropada Avisenna nomi bilan mashhurdir.
📚2023 yil 16-avgust kuni Zangiota tumani axborot-kutubxona markazida, O’zbekiston Respublikasi ichki ishlar vazirligi huzuridagi jazoni ijro etish departamenti 1-mintaqaviy muvofiqlashtirish markazi tasarrufidagi Zangiota tumanida joylashgan jazoni ijro etish muassalarida xizmat qilib kelayotgan xodimlar ishtirokida Abu Ali ibn Sino tavalludi kuni munosabati bilan “Tabobat ilmining sultoni” nomli davra suhbati o`tkazildi.
⚡️AKM direktori S.Axmedova so`zga chiqib, Ibn Sino o‘zining ko‘p tarmoqli mahsuldor ijodi, boy merosi bilan jahon madaniyati taraqqiyotida katta iz qoldirganligi, u o‘z ijodi, ilmiy faoliyatida Markaziy Osiyo, Yaqin va O‘rta Sharq mamlakatlaridagi yuqori madaniy ko‘tarinkilik, madaniy “uyg‘onish”ning ma’naviy yutuqlarini mujassamlashtira olganligi, bu bilan butun Sharq va Yevropadagi ma’rifat, madaniyat taraqqiyotiga katta ta’sir ko‘rsatganligi hamda u qoldirgan adabiy merosni asrab-avaylashimiz kerakligi haqida gapirdi.
📎Tadbirda ishtirokchilarning kitobxonlik darajasini sinash maqsadida, aralash so`z o`yini, maqolni davom ettir hamda rebus o`yinlari o`tkazildi. Shuningdek, kutubxonaga yangi kelgan “Turkiy adabiyot durdonalari” to`plami bilan tanishtirildi.