18 марта 2025 г.

Yangi O’zbekistonda yangicha Navro’z

Zangiota tumani axborot-kutubxona markazi

Yangi O’zbekistonda yangicha Navro’z

Bayram tadbiri

Navro‘z – bahorning go‘zal nafasi, tabiatning uyg‘onishi, qalblarning yanada poklanishidir.  Navro‘z insoniyatning eng qadimiy bayramlaridan biri bo‘lib bir necha ming yillardan beri o‘zbekning o‘zligini,  insoniylik, mehr-muruvvat, mehnatsevarlik, sabr-toqat kabi qadriyatlarini namoyon etgan xolda nishonlanib kelinadi.

Yurtimizda ayni kunlarda tabiat uyg‘onib, go‘zal diyorimizga barchamiz orziqib, sog‘inib kutgan Navro‘zi olam kirib kelmoqda.  Navro‘zning butun mohiyatida xalqimizning ezgulikparvar qalbi namoyon bo‘ladi. Ming yillar davomida ma’naviy hayotimizning ko‘rku ziynati bo‘lib kelayotgan bu ajoyib, xosiyatli bayram bugun qalblarimizga yana cheksiz quvonch va zavq bag‘ishlamoqda. Zangiota tumani markaziy Madaniyat bog‘ida "QADRIYATLARING BOQIY BO‘LSIN, NAVRO‘Z!" shiori ostida “Yangi O’zbekistonda yangicha Navro’z!” nomli bayram tadbiri o'tkazildi. Tadbir doirasida axborot-kutubxona markazi tomonidan sayyor kutubxona, eng sara adabiyotlardan ko‘rgazma  tashkil qilindi. Mutaxassislar tomonidan aholi orasida yangi nashr etilgan kitoblar targ’iboti olib borildi.  “O’zbek xalq maqollari bilimdonlari”, “Tezkor savol-javoblar” kabi qiziqarli o'yinlarda faol qatnashib eng yaxshi javob bergan ishtirokchilar kutubxona ma’muriyati tomonidan badiiy kitoblar bilan taqdirlandilar. Bayram tuman aholisi va mehmonlariga ko’tarinki kayfiyat bag’ishladi.