10 июня 2025 г.

Xotira uyg’onsa go’zal

Zangiota tumani axborot-kutubxona markazi
Kiprikda qolgan tong
Xotira uyg’onsa go’zal
Kitobxonlik soati
Kitob ko’rgazmasi
Said Ahmad — so‘z sehri bilan qalblarga yo‘l topgan, har bir satrida millat yuragini titratgan, o‘zbek adabiyotining zabardast vakillaridan biri edi. Uning qalamida hayot bor edi. U yozgan har bir hikoya, har bir obraz, har bir satr o‘quvchini o‘ylantirar, yuragini larzaga solardi.U hayotni oddiy odamlar timsolida, xalqning yuragidagi iztiroblar, orzular va umidlar orqali ko‘rsatdi. Uning asarlarida Toshkent ko‘chalari ham, cho‘l bo‘ylab yurgan karvonlar ham, urushdan qaytgan askarning dardi ham, onaning sabr-toqati ham jonlanar edi. Said Ahmadning qalamida so‘zlar nafaqat yoziladi, balki yashaydi.U o‘zbek tilining go‘zalligini, xalq ruhining bardavomligini asarlarida aks ettirgan. Adibning har bir asari xalqga mehr, Vatanga sadoqat, insoniylik, adolat va halollik haqida so‘zlaydi. O’zbekiston qahramoni,xalq yozuvchisi Said Ahmad tavalludi kuni munosabati  bilan axborot-kutubxona  markazi mutaxassislari tomonidan adibning hayoti va ijodiga bag’ishlangan “Kiprikda qolgan tong” nomli kitobxonlik soati o’tkazildi.Tadbir doirasida “Xotira uyg’onsa go’zal”rukini ostida adib asarlari yuzasidan kitob ko’rgazmasi tashkil etilib, adibning “Yo’qotganlarim va topganlarim”, “Kiprikda qolgan tong”, “Jimjitlik” asarlarining  targ’ibotlari olib borilib, o’qish uchun tavsiya qilindi.