25 марта 2024 г.

Kitob bilim bulog‘i- o‘quvchining o‘rtog‘i

Zangiota tumani axborot-kutubxona markazi
Kitob bilim bulog‘i- o‘quvchining o‘rtog‘i
Kitobxonlik kuni
Azal-azaldan ertaklar bolalar qalbiga umid, ishonch ruhini bag‘ishlab kelgan. Ular ongiga vatanparvarlik, mehnatsevarlik kabi tuyg‘ularni singdirish yo‘lidagi ilk ma’naviy ozuqa hisoblangan. Mardlik, halollik, oqillik kabi xislatlar tarannum etilgan ertaklarda hamisha ezgulik g‘alaba qozongan.  Zamon o‘zgardi. Bizning sehrli ertaklarimiz o‘rnini televideniye, kompyuter, internet kabi vositalar egalladi. Yangiliklar bolalar olamini yangilayotganini e’tirof qilmay bo‘lmaydi. Ularning fikr doiralari kengaymoqda. Ba’zan ularning ziyrakligi, zehnidan hayratlanamiz. O‘quvchilarning ta’til kunlarini mazmunli o‘tkazish  ularning qalbida kitob o‘qishga bo‘lgan qiziqishini,  mehrini shakllantirish maqsadida axborot-kutubxona markazida ekskursiyalar tashkil etilmoqda. Bugun 3-umumiy o‘rta ta’lim maktabning 4-sinf o‘quvchilari kutubxonaga  tashrif buyurdilar, ular bilan  “Kitob bilim bulog‘i- o‘quvchining o‘rtog‘i” mavzusida kitobxonlik kuni o‘tkazildi. Unda o‘quvchilar ta’til davrida qanday dam olayotganlari,  o‘qigan kitoblari, yodlagan she’rlari haqida dildan suhbat qildilar hamda o‘zbek xalq maqollari tasvirlangan rebus o‘yinlarini katta qiziqish bilan o‘ynadilar. Ekskursiya davomida mutaxassislar o‘quvchilarni bolalar kitoblari, ertaklar,  afsona va rivoyatlar hamda bolalar enseklopediyalari  bilan tanishtirib, ularga o‘qishlari uchun kitoblar tavsiya qildilar.