28 марта 2024 г.

Saratonda qor yog‘di

Zangiota tumani axborot-kutubxona markazi
Saratonda qor yog‘di
Kitob taqdimoti
O‘zbekiston Yozuvchilar uyushmasi  a’zosi, yozuvchi, mohir tarjimon, Sa’dulla Siyoyevning  ijodi juda serqirra bo‘lib, uning qator hikoya, xajviya va romanlari ko‘pchilikka ma’lum va manzurdir. Yozuvchining «Qasam ichmagan yigit», «Sadag‘ang ketay» «To‘ylar muborak» «Oy borib, omon keling» «Og‘ir vaznli janjalkash», «Erkaklar uchun ertaklar» kabi hikoyalarida yozuvchi zamondoshlarimizning mehnat faoliyatini, xarakteri va insoniy his-tuyg‘ularini ardoqlaydi. «Yorug‘lik» «Beparvo bo‘lmoqchiman», «Avaz» kabi kitoblarini o‘quvchilar sevib o‘qib kelishmoqda. Adibning  «Yassaviyning so‘nggi safari» romanining birinchi kitobi hamda «Haqiqat yo‘li» deb nomlangan ikkinchi kitobida buyuk allomalardan biri  Ahmad Yassaviy haqida hikoya qilinadi. Sa’dulla Siyoyev M.Zoshchenko, L.Lench, A.Arkanov, G.Gorin kabi rus yozuvchilarining hikoyalarini o‘zbek tiliga tarjima qilgan.
Axborot-kutubxona markazida yozuvchi tavalludining 85 yilligi munosabati bilan “Saratonda qor yog‘di” nomli kitobining taqdimoti o‘tkazildi.  Mutaxassislar tomonidan tadbir ishtirokchilariga Sa’dulla Siyoyevning hayoti va ijodi haqida ma’lumotlar berilib, “Saratonda qor yog‘di” asarining mazmun mohiyati va bosh g‘oyasi to‘la-to‘kis ochib berildi. Tadbirda ishtirok etgan 21-umumiy o‘rta ta’lim maktabi o‘quvchilarga kutubxona bo‘ylab sayohat o‘tkazilib, o‘qishlari  uchun kitoblar tavsiya etildi.