30 сентября 2024 г.

O‘qituvchi va murabbiylar kuni

Zangiota tumani axborot-kutubxona markazi
O‘qituvchi va murabbiylar kuni
Sharaf sizga, olqish sizga aziz ustozlar!
Ma’naviy-ma’rifiy tadbir 
1 oktyabr - O‘qituvchi va murabbiylar kuni!
Shu kuni bizga saboq bergan, hayot so‘qmoqlaridan odimlab borishimizda ustozlik qilgan va bu vazifani ayni paytda ham sharaf bilan bajarib kelayotgan insonlarni kasb bayramlari bilan tabriklashga oshiqamiz.  Farzandlar ta’lim-tarbiyasi, yosh avlodni barkamol insonlar etib kamolga yetkazishga alohida e’tibor qaratish xalqimizga xos ezgu fazilatlardan. Xalqimizning ustoz otangdek ulug‘, degan purhikmat naqlida ham o‘qituvchi va murabbiylarga bo‘lgan samimiy ehtirom namoyon. Bu bayram, avvalo, o‘zining bilim va tajribasi, iste’dod va mahorati, insoniy fazilatlarini, ko‘z nuri va qalb qo‘ri, butun borlig‘ini ayamasdan, ma’rifat yo‘lida beminnat xizmat qiladigan ustoz va murabbiylarimizga nisbatan xalqimizning azaliy hurmat-ehtiromining yaqqol namunasidir.
Zangiota tumani maktabgacha va maktab ta’limi bo‘limi tasarrufidagi umumta’lim maktablarida ushbu  bayram munosabati bilan Sharaf sizga, olqish sizga aziz ustozlar! mavzusida ma’naviy-ma’rifiy tadbirlar bo‘lib o‘tmoqda. Tadbirlarda axborot-kutubxona markazi xodimlari ham ishtirok etib, o‘qituvchi va murabbiylar hayoti va ijodiga bag‘ishlangan badiiy adabiyotlar jumladan, L.Bo‘rixonning “Sirli muallim”, A.Qahhorning “Adabiyot muallimi”, Ch.Aytmatovning “Birinchi muallim” nomli kitoblarining  targ‘ibotini olib bordilar va o‘qish uchun tavsiya qildilar. Bir necha yildirki, yurtimizda 1 oktyabr - O‘qituvchilar va murabbiylar kuni umumxalq bayrami sifatida keng nishonlab kelinmoqda. Ming-minglab murg‘ak qalblarga ezgulik yog‘dusini sochadigan, o‘z o‘quvchilariga hayot maktabini beradigan mo‘tabar zot - o‘qituvchi va murabbiylarimizga bugungi kasb bayramingiz muborak bo‘lsin, deymiz!