30 апреля 2024 г.

Yoshlar ma’naviyati - kitobxonlik madaniyati

Zangiota tumani axborot-kutubxona markazi
Yoshlar ma’naviyati - kitobxonlik madaniyati
Kitobxonlik kuni
Dunyodagi har qaysi davlat, har qaysi xalq birinchi navbatda o‘zining intellektual salohiyati, yuksak ma’naviyati bilan qudratlidir, bunday yengilmas kuch manbai esa avvalo insoniyat tafakkurining buyuk kashfiyoti bo‘lmish kitobdir, kitob insoniyatning tarixiy xotirasi, ma’naviy-ma’rifiy, ilmiy zahirasini mustahkamlovchi, kelajakni yorqin ko‘rsatib berishga qodir mash’ala hisoblanadi. Kitob  kishilarga  insoniyat   erishgan  yutuqlarni bilish imkonini  beradi.    Shuning  uchun   kitob va   kitobxonlikka bo‘lgan  e’tibor  bugunga kelib   xar qachongidan  ham muhimroq ahamiyat kasb etib  kelmoqda.
Maktabgacha va maktab ta’limi bo‘limi bilan tuzilgan rejaga asosan, umumta’lim maktablari o‘qituvchi va o‘quvchilarining axborot-kutubxona markaziga tashriflari davom etmoqda. Kutubxonamizning bugungi mehmonlari 42-44- maktablari bo‘ldilar. Ular bilan “Yoshlar ma’naviyati - kitobxonlik madaniyati” mavzusida kitobxonlik kuni o‘tkazilib, yangi nashr etilgan, ko‘p o‘qiladigan kitoblarning targ‘iboti olib borilib, bo‘sh vaqtlarida o‘qish uchun tavsiya etildi.  Ishtirokchilar uchun kutubxona bo‘ylab ekskursiya o‘tkazildi.