29 апреля 2024 г.

Kitob – ilm va hikmat manbai

Zangiota tumani axborot-kutubxona markazi

Kitob – ilm va hikmat manbai

Kitobxonlik soati

  Insonlar ma’naviy ozuqani  “bilimlar manbai” bo‘lmish kitobdan oladilar. Kitob – bebaho boylik ekani barchamizga ma’lum. Birorta san’at turini televideniye va radio, zamonaviy kompyuterlar imkoniyati va afzalliklarini inkor qilmagan holda aytish mumkinki, bularning hech biri kitob o‘rnini bosa olmaydi. Ayniqsa, badiiy kitoblar har bir kishida insoniy fazilatlarini kuchaytiradi, dunyoqarashini kengaytiradi, yaxshiliklar sari yetaklaydi.

Zangiota tumani axborot-kutubxona markazining bugungi mehmonlari tumanimizdagi 11-16-umumiy o‘rta ta’lim maktablari o‘qituvchi va o‘quvchilari bo‘ldilar.  Ular bilan “Kitob – ilm va hikmat manbai”nomli kitobxonlik soati o‘tkazildi. Ishtirokchilar o‘zlari sevib o‘qigan badiiy kitoblari, undagi qaxramonlari haqida gapirib, yod olgan she’rlaridan o‘qib berdilar hamda qiziqarli rebus o‘yinlaridan zavq oldilar. Mutaxassislar tomonidan  kutubxona bo‘ylab ekskursiya uyushtirilib, A.Muxtorning “Dunyo bolalari”, E. Malikning “Chumolilar saltanati”, “Champo otli ilon”, H. To‘xtaboyevning  “Qiz bolaga tosh otmang” nomli kitoblari o‘qish uchun tavsiya qilindi.