2 октября 2024 г.

Birgalikda kitob o‘qiymiz

Zangiota tumani axborot-kutubxona markazi
Birgalikda kitob o‘qiymiz
Kitobxonlik soati
Uzoq muddatli tadqiqotlarga ko‘ra, kichik yoshidan kitob o‘qib berilgan bola boshqalarga nisbatan to‘rt karra ko‘proq hayotiy imkoniyat va afzalliklarga ega bo‘lar ekan. Shuningdek, bolalikdan kitob o‘qishga odatlanish, keyinchalik ham mutolaadan zavqlanish, ta’limda yetakchi bo‘lish imkonini berishi ham aniqlangan. Maktab o‘quvchilarini yoshligidanoq kitobxon qilib tarbiyalash, ularning kitobga bo‘lgan qiziqishlarini shakllantirish borasida  kutubxona mutaxassislari  tomonidan boshlang‘ich sinf o‘qituvchilari bilan hamkorlikda tizimli ishlar muntazam ravishda amalga oshirib kelinmoqda. O‘qituvchi va  o‘quvchilar bilan birgalikda “Ertaklar olamiga sayohat”, “Kitob bilan nurlidir olam”, “Ertaklar tilga kirganda”, “Dunyoni anglatgan kitob”, “Birgalikda kitob o‘qiymiz” kabi  kitobxonlik soatlari  o‘tkazilmoqda.
O‘qituvchining butun fikri o‘quvchilarida, o‘zi sochgan urug‘larning o‘sishidadir. Ularning barkamol inson bo‘lib yetishishlarida kuch va g‘ayratini ayamaydilar.
Bugungi tadbir  tajribali o‘qituvchilardan biri maktabgacha va maktab ta’limi bo‘limi tasarrufidagi 14-umumiy o‘rta ta’lim maktabining 2-v sinf rahbari M. Gʻofurova bilan “1-oktyabr O‘qituvchi va murabbiylar kuni” bayram munosabati bilan “Birgalikda kitob o‘qiymiz” nomli kitobxonlik soati o‘tkazildi. Axborot-kutubxona markazi mutaxassislari tomonidan bolalarga o‘zbek va jahon ertaklari ulardagi ijobiy va salbiy qaxramonlar, ertaklarning tarbiyaviy ahamiyati haqida ma’lumotlar berildi. Rus adibi A.S.Pushkinning o‘zbek tilidagi “Ertaklar”, rus tilidagi “Skazki” nomli kitoblari o‘qish uchun tavsiya qilindi.