11 марта 2024 г.

“Men sevib o‘qigan kitob”

Zangiota tumani axborot-kutubxona markazi.
Men sevib o‘qigan kitob
Kitobxonlik kuni
Har bir jamiyatning, unda yashaydigan insonlarning taqdiri va kelajagi albatta davlatlarning yetakchi kuchlari hisoblanmish yoshlar tarbiyasi bilan chambarchas bog‘liqdir. 
Yurtimizda yoshlarning intellektual va ijodiy salohiyatini mustahkamlash, ularning mamlakatimizda amalga oshirilayotgan islohotlarga daxldorligini oshirish borasida ulkan ishlar olib borilmoqda. Zero, zamonaviy bilim va ko‘nikmalarga ega, mamlakatning munosib kelajagi uchun javobgarlikni o‘z zimmasiga ola biladigan barkamol, maqsadga intiluvchan va serg‘ayrat yoshlarni tarbiyalash bugunning eng muhim vazifalaridan biridir.
Yoshlarni bo‘sh vaqtini mazmunli o‘tkazish va ularni kitob o‘qishga bo‘lgan qiziqishlarini qo‘llab-quvvatlash maqsadida axborot-kutubxona markazida tizimli ishlar amalga oshirilmoqda. Jumladan, haftaning har kuni umumta’lim maktablari o‘qituvchi va o‘quvchilarining tashrifi reja asosida amalga oshirilmoqda. Bugun tumandagi 13-umumta’lim maktabning  5-sinf hamda 14-umumta’lim maktabning 8-sinf o‘quvchilari kutubxonaga tashrifi buyurdilar.  Mutaxassislar tomonidan “Men sevib o‘qigan kitob” mavzusida kitobxonlik kuni o‘tkazildi. Shuningdek, o‘quvchilarga kutubxona faoliyati va kitob fondi, kitobxonlar uchun yaratilgan shart-sharoitlar, kutubxonadan foydalanish qoidalari  haqida ma’lumotlar berildi. Ular ham o‘z navbatida o‘zlari sevib o‘qigan kitoblaridan gapirib berdilar  va  o‘zlari yozgan, yod olgan she’rlaridan o‘qib berdilar. Ularning bilimlarini sinab ko‘rish maqsadida rebus o‘yinlari o‘tkazildi hamda bahorgi ta’til vaqtida o‘qishlari uchun bir qator kitoblar tavsiya qilindi.
 Tadbirdan so‘ng ishtirokchilar o‘zlari tanlagan kitoblarini o‘qish uchun oldilar.