12 июля 2023 г.

“Ulug’ insonlar doimo barhayot”

#zangiota_AKM
#abdulla_avloniy
#hayot_davomida_oqish
Har bir inson o`z erki bilan inson bo`lganidek, har bir davlat ham o`zining mustaqilligi, ozodligi bilan to`laqonli davlatdir. Jadid bobolarimiz bunday davlatni sog’inib yashab o`tdilar. Shuning uchun ham ular ijodida istibdoddan qonga to`lgan dil nolalarini va milliy ozodlikni sog`ingan qalb sadolarini eshitish mumkin. Zero, Milliy uyg`onish deb nomlangan adabiyotning bosh g`oyasi ham shu edi. Bu adabiyotning buyuk siymolaridan biri Abdulla Avloniydir. Ma’rifatparvar adib, dramaturg, pedagog, noshir va jamoat arbobi Abdulla Avloniy yangi davr o‘zbek madaniyati, adabiyotining asoschilaridan biri, bolalar adabiyoti, o‘zbek milliy teatri, dramaturgiyasi, matbuoti, o‘zbek milliy pedagogikasining tamal toshini qo‘ygan, xalkimizning asl farzandidir.  2023 yil 12 iyul kuni Zangiota tumani axborot-kutubxona markazida adib tavalludining 145 yilligi  munosabati bilan “Ulug’ insonlar doimo barhayot” deb nomlangan kitob ko’rgazmasi  keng kitobxonlar ommasiga  taqdim  etilib  “Jadid adabiyoti namoyandalari Abdulla Avloniy”  kitobining targ’iboti olib borildi.