24 октября 2023 г.

“Shoirlar-bolalarga” mavzusida shoira Umida Abduazimova bilan uchrashuv

#zangiota_akm
#infolib_ozbekiston_2023
#umida_abduazimova
2023 yil 24 oktabr kuni Zangiota tumani axborot-kutubxona markazi tomonidan "INFOLIB O'ZBEKISTON–2023" XII MILLIY AXBOROT-KUTUBXONA HAFTALIGIning ikkinchi kuni “Shoirlar-bolalarga” mavzusida shoira Umida Abduazimova bilan uchrashuv Toshkent viloyati TURON axborot-kutubxona markazida bo’lib o’tdi.
Ijodkor so`zga chiqib, she’riyat, hech shubhasiz, insoniyatga berilgan ulug‘ ne’matlardan biri ekanligi, u cheksiz ummonga, balki, bepoyon ufqqa o‘xshashi, uning zeboligi, ta’siri va ko‘lamini ta`riflash qiyin ekanligi, gohida kishi o‘qigan she’rining ta’siridan bir necha kunlab chiqa olmasligi, bunday she’rlarda badiiy tasvir kuchli bo‘lib, she’rdagi avj nuqtalar o‘quvchini sehrlab qo‘yishi, bolalik yillari, birinchi yozgan she`rlari, erishgan yutuqlari haqida gapirdi. Shuningdek kechada Zangiota tumani 14-IDUMning o`qituvchi va o`quvchilari ham ishtirok etib, adibning jozibador she`rlaridan o`qib, yig`ilganlarga zavq bag`ishladilar.
Tadbir savol-javoblarga boy, qizg`in tarzda bo`lib o`tdi, shoira o`zining sara kitoblaridan axborot-kutubxona markaziga sovg`a qildi. Uchrashuv so`ngida TURON axborot-kutubxona markazi direktori D.Abduazimova shoira hamda Zangiota tumani axborot-kutubxona markazi direktori S.Axmedovaga tashakkurnoma va esdalik sovg`alarini topshirdi.