17 сентября 2025 г.

Kitob-kelajak yo’lboshchisi

Zangiota tumani axborot-kutubxona markazi
Kitobxon onalar kuni
Xon atlas festivali
Kitob-kelajak yo’lboshchisi
Kitobxonlik kuni
Bugun axborot-kutubxona markazida tuman oila va xotin-qizlar bo'limi bilan hamkorlikda  “Kitobxon onalar kuni” munosabati bilan “Kitob-kelajak yo’lboshchisi” nomli kitobxonlik kuni o’tkazildi. Suhbat davomida Respublika Oila va xotin-qizlar qo‘mitasi tomonidan milliy liboslarimizda xalqimizning ming asrlik o‘tmishi, urf-odat va an’analari, didi, estetik qarashlari, shuningdek, o‘ziga xos xususiyatlari mujassamligini namoyon etish, milliy qadriyatlarimizni mazmunan boyitish maqsadida “Xon atlas” festivalini o‘tkazish jamoatchilik tomonidan keng qo‘llab-quvvatlanligi ta’kidlab o’tildi. Oilalarda milliy urf-odatlarga, milliy qadriyatlarga, milliy kiyinishga berilayotgan e’tibor, kelinlarimiz, qizlarimizning odobi, ibo-hayosi haqida dildan suhbat o’tkazildi. Oilalarning mustahkam bo’lishida qaynonalarning o’rni, nabiralar tarbiyasi, ularni kitob o’qishga bo’lgan qiziqishlarini oshirish borasidagi tajribalari bilan o’rtoqlashdilar. 
Mutaxassislar tomonidan T.Malikning “Kelinlar daftariga”, “Kuyov bola sizga aytar so’zim bor”, “Doka ro’mol qachon quriydi?”, Z.Qurolboy qizining “Mashaqqatli hayot so’qmoqlari”, Sh.Salimovaning “Tanlangan asarlar” kitoblarining targ’iboti olib borildi hamda o’qish uchun tavsiya qilindi. 
Tadbirda 36 nafar onaxonlar, mahalla faollari, yoshlar ishtirok etdilar.