7 сентября 2026 г.

Kitob taqdimoti

#Zangiota_tuman_akm

📆 7-sentabr, 2026-yil
 

📚 Zangiota tumanida O‘zbekiston Respublikasi Davlat Mustaqilligining 35 yilligi munosabati bilan yosh ijodkorlar uchun unutilmas ma’naviy-ma’rifiy tadbir tashkil etildi. Tadbirda tumanimizda so‘nggi yillarda amalga oshirilayotgan bunyodkorlik ishlari, hududning yangilanayotgan qiyofasi, ijtimoiy-iqtisodiy taraqqiyot va xalqimiz hayotidagi ijobiy o‘zgarishlar aks etgan
“Zangiotada Yangi O‘zbekiston qiyofasi” nomli kitob-albomi hamda tumanimizning yosh ijodkorlari she’rlari  jamlangan “Vatan qalbimda” kitoblarining taqdimoti o‘tkazildi.
Tadbirda taniqli ijodkorlar — O‘zbekiston Yozuvchilar uyushmasi a’zosi,  “Asakabank” AJ Boshqaruv raisi maslahatchisi  “Navoiylik Alisher” tahallusi bilan ijod qiluvchi shoir  Boymurodov Alisher  hamda O‘zbekiston Yozuvchilar uyushmasi a’zosi, shoir  Muhammad Ali G‘offorovlar  ishtirok etib, yosh qalamkashlar ijodiga o’z baholarini berdilar va samimiy tilaklarini bildirdilar.
Ijodkor o’quvchilar o’z ijod namunalaridan o’qib berdilar.
Tadbir davomida “Mustaqillik mening nigohimda” mavzusida rassomchilik yo‘nalishidagi ijodkorlar o‘rtasida ko‘rik-tanlov ham o‘tkazildi. Unda 14–30 yoshdagi ishtirokchilar Mustaqillik g‘oyasi, Vatan ravnaqi, milliy qadriyatlar, tinchlik va bunyodkorlikni aks ettiruvchi ijodiy ishlarini namoyish etdilar.  Faxrli o’rinni egallagan yosh ijodkorlar tashkilotchilar tomonidan “Faxriy yorliq” va qimmatbaho esdalik sovg’alari bilan taqdirlandilar.
Mazkur tadbir Zangiota tumani hokimligi, Yoshlar ishlari agentligi Zangiota tumani bo‘limi, tuman “Istiqbol” gazetasi, Axborot-kutubxona markazi, Maktabgacha va maktab ta’limi hamda Madaniyat bo‘limi hamkorligida tashkil etildi.

🌐 Biz ijtimoiy tarmoqlarda:

Sayt | Instagram |
Facebook | YouTube | telegram