26 марта 2025 г.

Kitob mening taqdirimda

Zangiota tumani axborot-kutubxona markazi

Kitob mening taqdirimda

Kitobxonlik soati

Insoniyat hayotida, jamiyat taraqqiyotida kitob va kutubxonalarning o‘rni beqiyos. Har bir insonning kelajak orzulariga zamin yaratib beradigan maskan kutubxona hisoblanadi.

Yosh avlodni komil inson qilib tarbiyalash, ularning qalbida pok insoniy tuyg‘ular va yuksak ma’naviy fazilatlarni shakllantirishda kutubxonalarning o‘rni nihoyatda katta. Bugun axborot-kutubxona markaziga ichki ishlar tizimida faoliyat olib borayotgan bir guruh xodimlar tashrif buyurdilar. Ular ishtirokida “Kitob mening taqdirimda” nomli kitobxonlik soati tashkil etildi. Tadbir qatnashchilari kitobning inson kamolotida tutgan o’rni, o’zlari sevib o’qigan kitoblari va hozirgi kunda ish faoliyatlari davomida kitob mutoalasining  foydali tomonlari haqida dildan suhbatlashdilar. Kutubxona mutaxassislari tomonidan yangi nashr etilgan kitoblar haqida ma’lumotlar berildi.  J.Klirning “Atom odatlar”, T.Harrisning “Qizil ajdarho”, S.Siyoyevning “Dashti qipchoq lochini”, K.Sindarovning “So’poqsoydagi sirli qotillik” kitoblari o’qish uchun tavsiya qilindi. Tadbir so’ngida kutubxona bo’ylab ekskursiya uyushtirildi. Ishtirokchilar AKM fondi  bilan tanishib, o’zlarini qiziqtirgan kitoblarni o’qish uchun oldilar.