12 июня 2025 г.

Sen yozgan ertak

Zangiota tumani axborot-kutubxona markazi
Yoz-o'tmoqda soz(dolzarb 90 kun)
Sen yozgan ertak
Kreativ tadbir
O‘quvchi yoshlarning yozgi dam olish vaqtlarini mazmunli tashkil etishga qaratilgan yozgi sog‘lomlashtirish maydonchalarida ta’lim, sport, san’at to‘garaklari bilan bir qatorda kitobxonlik va kitob mutolaasiga katta e’tibor qaratilmoqda.  Axborot-kutubxona markazi mutaxassislari tomonidan navbatdagi targ’ibot tadbiri 22-maktab qoshida tashkil etilgan “Kamalak” nomli sog’lomlashtirish maydonchasi o’quvchi –yoshlari bilan o’tkazildi. Ko’chma kutubxona tashkil etib, bolalar uchun yangi nashr etilgan kitoblarning ko’rgazmasi  o’tkazildi,  hamda ko’rgazmadan joy olgan “Maugli”, “Alisa mo’jizalar mamlakatida”, “O’zbek xalq ertaklari” kitoblari o’qish uchun tavsiya qilindi. “Sen yozgan ertak” nomli o’yin tashkil etilib, bolajonlarga  “yaxshilik” va  “yomonlik”  mavzularida ertak to’qib aytib berishlari so’raldi. Tadbir qatnashchilari o’zlari to’qigan ertaklarini tengdoshlariga aytib berdilar. Bu kabi tadbirlarni tashkil etishdan ko’zlangan maqsad bolalarning tasavvurlarini boyitish, ko’z oldiga keltirganlarini so’z bilan ifodalash ko’nikmalarini shakllantirishdan iborat. Tadbirda 16 nafar o’quvchi – yoshlar qatnashdilar.