9 сентября 2025 г.

Erta so’ngan yulduzlar

Zangiota tumani axborot-kutubxona markazi
Kitob va mutolaa haftaligi
Оchiq eshiklar kuni
Erta so’ngan yulduzlar
Xotira kechasi
Kitob – zamonlar toʻlqinida suzuvchi, oʻzidagi ma’nolar xazinasini ajdodlardan avlodlarga avaylab yetkazuvchi tafakkur kemasidir. Uning har bir sahifasi hikmatlarga boy va dillarga roʻshnolik kiritib, ezgu tuygʻularni uygʻotmoqqa qodir. Shu bois soʻnggi yillarda mamlakatimizda kitob mutolaasi va targʻiboti, kitobxonlik madaniyatini oshirishga oid bir qator vazifalar amalga oshirilmoqda. 
 “Kitob va mutolaa haftaligi”   doirasida  8-12 sentabr kunlari Oliy ta’lim hamda professional ta’lim muassasalari uchun “Ochiq eshiklar kuni”  bo'lib o’tmoqda. Bugun axborot-kutubxona markaziga Samarqand veterenariya va chorvachilikni rivojlantirish instituti Toshkent filiali talabalari uchun ochiq eshiklar kuni o’tkazildi. O’zbekiston Respublikasida xizmat ko’rsatgan madaniyat xodimi, taniqli shoir va tarjimon  Shavkat Rahmon tavallidining 75 yilligi munosabati bilan “Erta so’ngan yulduzlar” nomli xotira kechasi o’tkazildi. Tadbirda shoirning hayoti va ijodi haqida ma’lumotlar berildi. Talabalar tomonidan shoir  she’rlaridan na’munalar o’qildi. Shuningdek mutaxassislar tomonidan Sh.Rahmonning “Abadiyat oralab”, “Gullayotgan tosh”, “Hulvo” kitoblari  o’qish uchun tavsiya qilindi. Tadbir so’ngida kutubxona bo’ylab ekskursiya uyushtirildi, yoshlar o’zlari qiziqqan kitoblaridan o’qish uchun  oldilar. Tadbirda 60 nafar talaba –yoshlar ishtirok etdilar.