14 мая 2021 г.

"Munavvar oqshomlar" festivali

Tumanimizda 14 may sanasidan 14 iyun sanasiga qadar "Munavvar oqshomlar" festivali bo'lib o'tdi.Tumanning Yoshlar bog'ida kuy - qo'shiq, sport, ko'chma kinoteatr,  turli hil ko'chma  bolalar o'yingohlari, mehnat yarmarkasi va boshqa ko'ngilochar tadbirlar uchun joy ajratilib bayramona bezatildi. Jumladan ko'chma kutubxona tashkil qilish uchun tuman axborot-kutubxona markaziga ham bog' markazidan joy berildi. Bu yerda kutubxona tomonidan yangi chop etilgan  kitoblardan ko'rgazmalar tashkil qilinib, kitoblar noan’anaviy tarzda sirli sandiqlarda namoyish qilindi. Kitobxonlar kitob o'qib o'tirishlari  uchun ham noodatiy sharoit yaratilib chim ustiga to'nkalar qo'yilib , yostiqchalar to'shaldi. Yoshlar bo'gida tashkil etilgan ko'chma kutubxonada qiziqarli davra suhbatlari, xotira kechalari va turli xil kitob taqdimotlari o'tkazildi. Maydon axborot-kutubxona markazi faoliyatini yorituvchi va QR kodli kitoblar plakatlari hamda kitoblarning maketi bilan bezatildi. Ajratilgan maydonni bezatishda milliylikka alohida e’tibor qaratildi. Asosiy ko'zlangan maqsad esa  aholining hech qanday to'siqsiz, erkin holatda kutubxonadan foydalanishiga katta ahamiyat berildi.Tadbir davomida 150 nafardan ziyod aholi kutubxona xizmatidan foydalanib, yangi chop etilgan kitoblar bilan tanishdi. Bu yerda yana Kumush,  shum bola va boy obrazlari jonli gavdalantirildi. AKM tomonidan juda qiziqarli va maroqli tashkillashtirilgan ushbu tadbirda tuman hokimi A.Tamikayev boshchiligidagi bir guruh muttasaddilar ham  ishtirok etdilar. Festival ko'tarinki ruhda bo'lib o'tdi.