3 октября 2025 г.

Ta’zimdamiz har on, har qachon, sizga ta’zim- Aziz Ustozlar!

Zangiota tumani axborot-kutubxona markazi

Ta’zimdamiz har on, har qachon, sizga ta’zim- Aziz Ustozlar!

Adabiy-badiiy kecha

O‘qituvchi va murabbiy – jamiyatning eng e’zozli, hurmatga sazovor vakillaridan biridir. Ustozlar yosh avlodni tarbiyalash, bilim berish va ularni kelajakda munosib inson bo‘lib kamol topishlarida o‘z bilim va tajribalarini ayamaydilar. Shu bois ustozlik – sharafli va mas’uliyatli kasb hisoblanadi. Yurtimizda 1-oktabr – “O‘qituvchi va Murabbiylar kuni” alohida ehtirom bilan keng nishonlanadi. Ana shu munosabat bilan axborot-kutubxona markazida “Ta’zimdamiz har on, har qachon, sizga ta’zim- Aziz Ustozlar!” nomli adabiy-badiiy kecha bo’lib o’tdi. Unda tumanning  ma’naviyat  va ma’rifat fidoiylari ishtirok etdilar.

Farzandning dunyoga kelib, dunyoni o‘rganishida xizmat qiluvchi birinchi tarbiyachisi ota-onasi hisoblansa,  inson sifatida kamol topishida, ustoz va murabbiylarning o‘rni beqiyos ekanligi qayta-qayta ta’kidlandi.   Shuningdek O’zbekiston Respublikasi Prezidenti tomonidan ilgari surilgan  “Dolzarb 90 kun” loyihasi doirasida Zangiota tumani amalga oshirgan ishlari natijasiga ko’ra namunali tuman deb topilganligi haqida so’z yuritildi. O‘tkazilgan bayram tadbirida joriy yil davomida maʼnaviy-maʼrifiy targʻibot tadbirlarini yuqori saviyada tashkil etishga munosib hissa qoʻshgan targʻibotchilarga esdalik sovgʻalari hamda Respublika Maʼnaviyat va maʼrifat markazi Zangiota tuman bo‘linmasining "Tashakkurnoma"lari topshirildi. Taqdirlanganlar  qatorida axborot-kutubxona markazi mutaxasislarining borligi quvonarli. Bunday tadbirlar xodimlarni kelajakda yanada shijoat bilan ishlashga ilhomlantiradi.