ZAKM

17 октября 2023 г.

Kitobxon onalar kuni

#zangiota_AKM
#kitobxon_onalar_kuni
#kavsar_turdiyeva
#navoiydan_merosim_tilim
Yer yuzida dastlabki ota-onaning birinchi farzandi dunyoga kelishi bilan bolalar adabiyoti ham maydonga kelishi inkor qilib bo‘lmas haqiqatdir. Chunki bolalar adabiyotining asosiy vazifasi o‘sib kelayotgan yosh avlodni tarbiyalash manfaatlariga qaratilgandir. Binobarin, bolalar adabiyoti namunasi yosh avlodni ilm-ma'rifat nuridan bahramand bo‘lishga chorlaydi, kasb-hunar o‘rganishga chaqiradi, eng yaxshi insoniy fazilatlar ruhida tarbiyalashga xizmat qiladi, uning bosh vazifasi farzandlarimizni ma'naviy-axloqiy kamolot ruhida tarbiyalashdir.
Oilada ona ma`naviyatli, kitobxon bo`lsa unda yetilayotgan farzand ma`nan yetuk, barkamol, vatanga o`zgacha muhabbatli bo`ladi. 2023 yil 17 oktabr kuni Zangiota tumani axborot-kutubxona markazida “Kitobxon onalar” kuni noan`anaviy tarzda 14-IDUM faol kitobxon o`quvchilar va ularning onalari ishtirokida bo`lib o`tdi. Tadbirning aziz mehmoni bolalarning sevimli shoirasi Kavsar Turdiyeva bo`ldi.
Ijodkor so`zga chiqib, ajdodlarimiz farzand tarbiyasida kitob mutolaasiga alohida e’tibor qaratganligi, alloma-yu ijodkorlarimiz, tojdor-u daholarimiz ma’naviyati bolalikdan kitobga mehr qo’yish bilan shakllanganligi, ajdodlarimiz xalq ertaklari-yu dostonlarini tinglab tasavvur va tafakkur dunyosini, ruhiyat olamini boyitishganligi, oila boshliqlari farzandlar taqdiriga bee’tibor bo’lmasliklari, bolalar bilan ularning yoshiga mos kitoblar mutolaasini yo’lga qo’yishlari va o’qilgan asarlar, olingan bilimlar, ularning inson hayotidagi o’rni va ahamiyati yuzasidan oilaviy suhbatlar o’tkazishlari, ko’proq o’gil-qizlarining fikr-mulohazalarini tinglashga diqqatni qaratishlari, ularni qo’llab-quvvatlashlari, kamchiliklarini muloyimlik va bosiqlik bilan tuzatishlari kerakligi haqida so`z yuritdi.
Shuningdek, O‘zbekistonda mamlakat mustaqilligi ramzlaridan biri o‘zbek tiliga davlat tili maqomi berilgan kun yaqinlashib kelayotgani, 2020-yildan boshlab bu sana O‘zbek tili bayrami sifatida nishonlanayotgani, tilimizning bugungi darajasi, turkiy tillar ichida tutgan mavqei uchun biz ko‘p jihatdan o‘tgan asr boshida yashagan jadid ziyolilaridan minnatdor bo‘lishimiz kerakligi, ular o‘zbek tilining so‘z yasash imkoniyatlaridan dadil va mohirona foydalanganliklari, xalqda milliy g‘urur, ona tiliga hurmat tuyg‘usini tarbiya qilganliklari, bugungi kun onalari va pedagoglar o`sib kelayotgan yosh avlodni ona tiliga sodiq inson qilib voyaga yetkazishlari haqida gapirdi.
Tadbir savol-javoblarga boy, qizg`in tarzda bo`lib o`tdi. Tadbir so`ngida shoira o`zining sara kitoblaridan axborot-kutubxona markaziga sovg`a qildi.

5 мая 2026 г.

Ekskursiya

#Zangiota_tuman_akm

📅 5-may, 2026-yil

🏛 Zangiota tumani axborot-kutubxona markazi xodimlari , tuman tashkilotlarining bir guruh xodimlari bilan birgalikda yurtimizning bebaho ma’naviy merosini o‘zida mujassam etgan Islom sivilizatsiyasi markaziga tashrif buyurdilar.

🏛 Mazkur markaz nafaqat ulug‘ ajdodlarimizning ilm-fan, ma’rifat va tamaddun rivojiga qo‘shgan ulkan hissasini namoyon etuvchi maskan, balki yosh avlod …