19 марта 2024 г.

“Bilimdon bolajon kutubxonada mehmon”

Zangiota tumani axborot-kutubxona markazi
Bilimdon bolajon  kutubxonada mehmon
Kitobxonlik soati
Kutubxonaga sayohat
Har bir jamiyatning, unda yashaydigan insonlarning taqdiri va kelajagi albatta davlatlarning yetakchi kuchlari hisoblanmish yoshlar tarbiyasi bilan chambarchas bog‘liqdir. Yurtimizda yoshlarning intellektual va ijodiy salohiyatini mustahkamlash, ularning mamlakatimizda amalga oshirilayotgan islohotlarga daxldorligini oshirish borasida ulkan ishlar olib borilmoqda. Zero, zamonaviy bilim va ko‘nikmalarga ega, mamlakatning munosib kelajagi uchun javobgarlikni o‘z zimmasiga ola biladigan barkamol, maqsadga intiluvchan va serg‘ayrat yoshlarni tarbiyalash bugunning eng muhim vazifalaridan biridir.
Sog‘lom, mustaqil fikrga ega, har jixatdan barkamol, intellyektual yetuk avlodni tarbiyalashni asosiy maqsad qilgan mamlakatimizda yoshlarning bo‘sh vaqtini mazmunli o‘tkazish, iste’dodlarini namoyon qilishga keng imkoniyatlar yaratilgan. Bunga misol qilib tuman axborot-kutubxona markaziga o‘quvchilarning tashriflarini aytish mumkin. 14-maktabning 3-v sinf o‘quvchilari bilan  “Bilimdon bolajon kutubxonada mehmon” mavzusida  tadbir tashkil etildi. Ularning kitobga, she’riyatga bo‘lgan qiziqishlari, o‘qigan kitoblari haqida jo‘shib gapirishlari,  texnika, aviatsiya, hayvonot dunyosi haqidagi  qiziqarli ma’lumotlarga ega ekanliklari bizni quvontirdi. Ularni kitob mutolaa qilishga yanada qiziqtirish, kitob fondida saqlanayotgan bolalar adabiyotlari bilan tanishtirish maqsadida ta’til vaqtida o‘qishlari  uchun kitoblar tavsiya qilindi va kutubxona bo‘ylab sayohat  o‘tkazildi.