28 апреля 2025 г.

Kitob-ilm va hikmat manbai

Zangiota tumani axborot-kutubxona markazi
Kitob-ilm va hikmat manbai
Kitobxonlik soati
Kitob mutolaasi inson tafakkurini oshiradi, hayotga teran ko`z bilan qarashga o'rgatadi.  Bugun axborot-kutubxona markaziga IIB xuzuridagi JIED birinchi mintaqaviy hudud 24-son tarbiya koloniyasi shaxsiy tarkibi  xizmat xodimlaridan bir guruhi tashrif buyurdilar. Ular ishtirokida "Kitob-ilm va hikmat manbai!" nomli kitobxonlik soati o’tkazildi. Tadbirda kitob - inson umr yo‘llarini yorituvchi so‘nmas nur, inson hayotiga mazmun baxsh etuvchi saodat manbai, har qanday vaziyatda ham hamroh bo‘lguvchi sodiq do‘st ekanligi, insonning ruhiy-ma’naviy kamolotini ta’minlashda kitobchalik kuchli qudratga ega vosita yo‘qdligi haqida so'z yuritildi. Mutaxassislar tomonidan  tashkil etilgan kitob ko’rgazmasiga qo’yilgan kitoblarning targ’iboti olib borildi, hamda  A.Saidovning “Hazrati Zangi ota”, M.Yusufning “Elimda alyorim qolur”, A.Hizning “Mening ko’nglim bir qushdir”, U.Hamdamning “Muvozanat” kitoblari o’qish uchun tavsiya qilindi. Tadbir so’ngida kutubxona bo’ylab  ekskursiya  tashkil etildi. Tadbir qatnashchilari kitob fondi, kitobxonlar uchun yaratilgan sharoitlar bilan tanishdilar, kutubxonaga a’zo bo’lib, badiiy adabiyotlardan  o’qish uchun oldilar.