17 октября 2025 г.

Kitobxon onalar, kitobxon qizlar

Zangiota tumani axborot-kutubxona markazi

Kitobxon onalar, kitobxon qizlar

Ma’naviy-ma’rifiy-madaniy tadbir

Kitob-umr yo‘llarini yorituvchi so‘nmas nur, inson hayotiga mazmun baxsh etuvchi saodat manbai, unga har qanday vaziyatda ham hamroh bo‘luvchi sodiq do‘st. Insonning ma'naviy kamolotini ta'minlashda kitob singari kuchli qudratga ega vosita yo‘q. Shu bois azal-azaldan ma'rifat peshvolari, ahli donishlar butun insoniyatni kitob o‘qishga, undan ilmu odob sirlarini o‘rganishga chorlab kelishgan. Bugun Samarqand veterenariya va chorvachilikni rivojlantirish instituti Toshkent filialida  “Dunyoni tinchlik va ezgulikka ilhomlantiramiz” shiori ostida 21-oktabr- O’zbek tiliga Davlat tili maqomi berilgan kun munosabati bilan “Kitobxon onalar va kitobxon  qizlar kuni”ga bag’ishlangan  ma’naviy-ma’rifiy-madaniy tadbir tashkil etildi. Tadbirda O‘zbekistonda qizlarning har tomonlama yetuk va barkamol shaxslar sifatida ulg‘ayishlari uchun barcha sharoitlar, imkoniyat va imtiyozlar yaratib berilganligi, ularning jamiyatdagi ijtimoiy-siyosiy faolligini oshirish, tengdoshlari o‘rtasida tashabbuskorlik muhitini yaratish borasida xususan, qizlarning ta’lim-tarbiya olishlari, kasb-hunar egallashlari davlatimizning doimiy yuksak e’tiborida ekanligi ta’kidlandi. Shuningdek tadbirda kitobxon onalar va kitobxon qizlar o’rtasida sevib o’qilgan kitoblari yuzasidan baxs-munozara bo’lib o’tdi. Talabalar tomonidan  Ona-Vatan, Ona tilini madh etuvchi she’rlar yod olindi. Mutaxassislar tomonidan T.Malikning “Kelinlar daftariga”, “Baxt saroyi”, L.Xeyning “Ayol donoligi”, T.Sodiqovaning “Oila ilmi”, E.Feynning “Oqila ayol qoidalari”, M.Karimovaning “Aflotun” kitoblari o’qish uchun tavsiya qilindi. Tuman madaniyat bo’limi qoshidagi “Hosil”  Xalq maqom ansanbli xonandalari ijrosidagi kuy-qo’shiqlar yig’ilganlarga ko’tarinki kayfiyat ulashdi.