21 апреля 2022 г.

“Malikaday ulug`vor, onaday mehrli”

#Zangiota_AKM_Bizni_kitobxonlik_birlashtiradi
O‘zbekiston Respublikasi Prezidenti tomonidan ilgari surilgan 5 ta muhim tashabbusning to‘rtinchisi yoshlar ma’naviyatini yuksaltirish, ular o‘rtasida kitobxonlikni keng targ‘ib qilish bo‘yicha tizimli ishlarni tashkil etish qilib belgilanganligi hamda O‘zbekiston Respublikasi Vazirlar Mahkamasining “2020- 2025-yillarda kitobxonlik madaniyatini rivojlantirish va qo‘llab- quvvatlash milliy dasturini tasdiqlash to‘g‘risida” 2020-yil 14-dekabrdagi 781-sonli qarori ijrosini ta`minlash maqsadida Respublika bo`ylab “Kitobsevar millat” shiori ostida “Kitobxonlik haftaligi-2022” doirasida 2022 yil 21 aprel kuni soat 14:00 da   Zangiota tumani axborot-kutubxona markazida “Bizni kitobxonlik birlashtiradi” deb nomlangan ma`naviy- ma`rifiy- madaniy kecha o`tkazildi. O`zbekiston xalq shoiri Oydin Hojiyeva tavalludining 80 yilligi munosabati bilan “Malikaday ulug`vor, onaday mehrli” nomli kitob ko`rgazmasi tashkil etildi.  Tadbirda O`zbekiston yozuvchilar uyushmasi a`zosi Xayrulla Safarov va kitobxonlikni keng targ`ib qilish bo`yicha yilning eng dolzarb ilmiy maqolasi “Eng yaxshi innovator-2021” ko`krak nishoni sohibi Adiba Meliboyevalar qatnashib O`zbekiston xalq shoiri Oydin Xojiyevaning o`zbek adabiyotiga qo`shgan hissasi, hayoti va ijodi haqida gapirdilar.  Ijodkorlar o`z so`zida Vatanga muhabbat, vafo va sadoqat, olijanob insoniy fazilatlari haqida to‘lqinlanib gapirdilar, kitob va kitobxonlik bugungi yosh avlod tarbiyasida muhim o‘rin tutibgina qolmay, balki ma'naviy merosimizni ham boyitishi shubhasizligini ta'kidladilar.  Shuningdek, tadbirda “Kitoblar xalqni uyg`otadi” nmli kitob yarmarkasi tashkil etildi. Tuman madaniyat bo`limi xodimlari kechaga fayz bag`ishlab shoira ijodidan qo`shiqlar ijro etdilar.  Tadbirda 80 nafar tuman aholisi, kitobxonlar, kutubxonachilar va targ`ibotchilar ishtirok etdilar.