16 сентября 2025 г.

Milliy liboslar millat yuzidir

Zangiota tumani axborot-kutubxona markazi
Xon atlas festivali
Milliy liboslar millat yuzidir
Davra suhbati
“Xon atlas” festivali doirasida tadbirlar davom etmoqda. Tadbirlarda barcha toifadagi xotin-qizlar, uy bekalari, o‘quvchi-talaba qizlar, yosh kelinlar, turli tashkilotlarda faoliyat ko‘rsatayotgan xodimlar faol ishtirok etmoqdalar. Bugun tumandagi “O’ratepa” mahallasida “Milliy liboslar millat yuzidir” nomli  davra suhbati o’tkazildi. Tadbirda milliy liboslarimizda xalqimizning koʻp asrlik oʻtmishi, urf-odat va an'analari, estetik qarashlari, oʻziga xos xususiyatlari mujassamligi haqida to'xtalib o'tildi.  Milliy matolarimizning sardori bo‘lgan atlasning dunyoda tengi yo‘q, betakror, serjilo, kamalakrang ekanini, har qaysi opa-singlimizni bir zumda go‘zal malikaga aylantirib qo‘yishi faxr bilan tilga olindi. Milliy liboslarimiz, kiyinish madaniyatimizni tarannum etuvchi she’rlar o’qildi.  Mavzuga mos kitob ko’rgazmasi tashkil etildi. Ko’rgazmadan joy olgan E.Feynning “Oqila ayol qoidalari”, A.Fitratning “Oila”, “Oilam bilan har kuni bir hayot darsi o’rganamiz” kitoblarining targ’iboti olib borildi, o’qish uchun tavsiya qilindi. Tadbirda 18 nafar kanvoyi onaxonlar, mahalla faollari, yoshlar ishtirok etdilar.