1 декабря 2025 г.

Sog’lig’imiz o’z qo’limizda

Zangiota tumani axborot-kutubxona markazi
Sog’lig’imiz o’z qo’limizda
Davra suhbati
Joriy yilning 1-dekabr kuni  axborot-kutubxona markazida 1-dekabr Butunjahon OITSga qarshi kurash kuni munosabati bilan “Sog’lig’imiz o’z qo’limizda” nomli davra suhbati o’tkazildi. 
Unda Jahon sogʻliqni saqlash tashkiloti maʼlumotlariga koʻra, hozir dunyoda OITS infeksiyasidan aziyat chekayotgan 40 millionga yaqin bemor borligi, ularning  soni yiliga oʻrtacha 1,5 million nafarga koʻpayib borayotganligi,  eng yomoni, xastalik har yili 600 mingdan ziyod kishining hayotiga zomin boʻlyotgani haqida gapirib o'tildi.
Bunday xavotirli koʻrsatkichlar mazkur yuqumli kasallik insoniyat salomatligi uchun naqadar jiddiy tahdid ekanligini yana bir bor tasdiqlaydi. Zero, OIV va OITS butun dunyo hamjihatlikda kurashishi lozim boʻlgan global muammoligi, shu bois, har yili sayyoramizda 1-dekabr sanasi “Butunjahon OITSga qarshi kurash kuni” sifatida nishonlanib, bu davrda xastalikning oldini olish boʻyicha targʻibot ishlari yanada kuchaytirilayotganligi ta'kidlandi. Mutaxassislar tomonidan “Xammabop tibbiyot qo’llanmasi”, M.Azizovning “Umumiy gigiena va ekologiya”, D.Mujiburning “Sogliqni qanday tiklash mumkin” kitoblarining targ’iboti olib borildi hamda o’qish uchun tavsiya qilindi. Tadbirda 22 nafar kitobxonlar ishtirok etdilar.